Nobena na honor di San Hudas Tadeo ta inicia riba 19 di october

Grupo San Hudas Tadeo di Dakota ta invita tur devoto na San Hudas Tadeo pa asisti sin falta na e Nobena na honor di San Hudas Tadeo – Santo y abogado di asuntonan di desesperacion,

cual Nobena lo inicia riba diaranson 19 di october 2022 pa 6:15 pm y ta sigui asina te cu diahuebs 27 di october 2022.

Riba diadomingo 23 di october e nobena lo ta 5:15 pm. E nobena aki lo tuma luga den Misa Birgen di Fatima. Su Fiesta ta diabierna 28 di october 2022.

Pues tur devoto na San Hudas Tadeo y Pueblo di Aruba en general ta keda cordialmente invita pa asisti sin falta na e nobena aki ya cu Hesus mes ta bisa unda cu tin dos of mas reuni den su nomber, ey mes e lo ta memey di nan y presente pa scucha nan oracionnan, cu lo wordo seguramente scucha. 

Nos kier a recorda e pueblo di Aruba cu Santonan ta wordo venera y no adora. 

Ya ta 60 aña caba cu e Nobena y fiesta na honor di San Hudas Tadeo ta wordo celebra na Parokia di Birgen di Fatima, na Dakota. For di 1962 te cu 1996, esta e prome 35 aña nan bao direccion di nos defunto keri Tula Pablo y for di 1997 e Nobena, durante cual tambe Triduo a wordo organisa, a sigui bao direccion di e debotonan di nos dushi santo, esta San Hudas Tadeo. (1962 – 2022 ta 60 aña).

Hesus ta e unico Dios, hende y Mediador di e Aliansa Nobo. Ta un Dios so tin y un mediador entre Dios y nos, esta e hende, Hesucristo (1 Timoteo 2,5), pero mas leu nos ta lesa den Efesionan 3, 14-18: “Si, p’esey mi ta dobla mi rudia dilanti di Dios Tata, cu a duna su comunidad den shelo y riba tera nan existencia y nomber.

Mi ta pidie pa su rikesa glorioso y pa medio di Spirito Santo. E fortalece boso cu poder den profundidad di boso ser. Y mi ta pidi pa Cristo biba den boso curason pa medio di Fe, esey sea boso fundeshi. Di e manera ey boso lo ta capaz di compronde, hunto cu tur e fielnan, con largo, hancho halto y profundo e amor di Cristo ta.”

Cielo, cu a haya nan santificacion caba, pasobra reconoce anto boso picanan y resa uno pa otro pa boso wordo cura. Oracion di hende husto por haci hopi.” 1 Timoteo 2,1-2: “Mi ta gradici Dios, kende mi ta sirbi cu un consenshi limpi, manera mi mayornan a siña mi y mi ta corda riba bo cada momento, di dia y anochi, den mi oracionnan”.

Na nomber di Grupo San Hudas Tadeo Dakota, Ida Croes, 594 4144