No perde e oportunidad aki! Join e ekipo di Royal Aruba Aloe como Brand Ambassador

Bo ta en busca di un reto nobo, of bo ta conoce un hende cu ta? E posicion aki lo por ta net locual abo of e persona ey ta buscando.

Royal Aruba Aloe, estableci na  1890,  ta un di e prome companianan di Aloe na mundo, y un di e companianan mas bieu aki na Aruba. Tambe e ta un di e poco companianan di Aloe globalmente cu ta crece, cosecha y procesa  su  Aloe  na  e  mesun  localidad.  E Aloe di Aruba, comproba di tin e miho calidad na  mundo,  ta  e  base  di  nan  coleccion  di  productonan  pa  cuido  di  cuero,  solo  y  cabey,  cual  constantemente  ta  creciendo.  Royal Aruba Aloe na e momento aki tin 17 tienda na  Aruba,  y  su  productonan  ta wordo exporta na mas di 55 pais rond di mundo. Aña pasa e compania a hasta ricibi un predicado real (Royal), haciendo di dje, e prome compania cu a ricibi e tremendo honor aki den Caribe Hulandes.

Banda di e compania Royal Aruba Aloe, e mata Aloe Vera mes tambe a significa hopi pa nos pais. Rond di e añan 1920 Aruba tabata e exportado mas grandi di Aloe (e Aloe hard gum) na mundo, y tabata hasta conoci mundialmente como e “Isla di Aloe” (The Island of Aloes.) Pa Royal Aruba Aloe e ta un honor, y te hasta un deber, pa salvaguardia y comparti e historia y informacion aki cu henter mundo. Esaki no solamente e compania ta haci cu su productonan, y su tour y museo na Hato, pero tambe door di organisa diferente actividad cu gruponan na, por ehempel, diferente hotel. Durante e actividadnan aki un representante di e compania ta duna presentacion di e cortamento di Aloe, comparti e historia di Aloe na Aruba y tur e beneficionan di e mata, como tambe organisa “scrub-making experiences.” E representante aki tin e titulo di Brand Ambassador di Royal Aruba Aloe. Door cu e actividadnan aki ta sumamente popular y cada biaha tin mas pedido pa esakinan, e compania ta buscando un Brand ambassador mas pa join nan ekipo. 

Interesa den sa mas tocante di e posicion aki, su beneficio- y rekisitonan? Bishita: https://bit.ly/3yqkFD4

Tambe por manda bo carta di aplicacion hunto cu bo CV na [email protected]