News

Nichelle Croes a saca produccion nobo cu tremendo vibe

.tdi_9.td-a-rec{text-align:center}.tdi_9.td-a-rec:not(.td-a-rec-no-translate){transform:translateZ(0)}.tdi_9 .td-element-style{z-index:-1}.tdi_9.td-a-rec-img{text-align:left}.tdi_9.td-a-rec-img
img{margin:0
auto 0 0}@media (max-width:767px){.tdi_9.td-a-rec-img{text-align:center}}

Nichelle Croes ta un prospecto nobo den entretenimento di Aruba. Nos a combersa cu ne unda el a presenta su produccion nobo cu yama “Cu mi.” El a papia riba su cantica nobo cu el a caba di saca y tin un videoclip cu ne tambe.

.tdi_8.td-a-rec{text-align:center}.tdi_8.td-a-rec:not(.td-a-rec-no-translate){transform:translateZ(0)}.tdi_8 .td-element-style{z-index:-1}.tdi_8.td-a-rec-img{text-align:left}.tdi_8.td-a-rec-img
img{margin:0
auto 0 0}@media (max-width:767px){.tdi_8.td-a-rec-img{text-align:center}}

Nichelle ta priminti cu e cancion aki tin un toke diferente y tambe e videoclip tambe ta trece un “vibe.” Anteriormente e tabatin un videoclip cu tambe a dal duro tambe. E cantica yama “Su luga.” E ta un tiki mas diferente. E tabata un reggaeton mes y tabata traha na Spaño combina cu Papiamento. E cancion aki ta mas riba empodera, no solamente pa hende muhe, pero tambe pa ken cu ta, cu sa su luga. Ken cu ta por identifica su mes cu e cancion aki. E produccion nobo aki si ta completamente na Papiamento.

Nichelle mes ta skirbi su canticanan. Ta basa riba cos cu ta inspir’e. E ta sigui conta si e tin un “beat” e ta gusta, e ta cumpr’e online of e ta contact un productor pa traha riba dje of cuminsa for di comienso.

Riba Youtube Nichelle tin un tremendo tema cu ya caba hopi hende ta papiando di dje, cu yama “Cu mi.” Nichelle ta conta cu e ta un cantica cu el a caba di saca cu su videoclip. E cantica aki tin un “beat” un tiki mas Latino, no completamente reggaeton, un “beat” basta movido, algo cu por bisa cu e ta “playfull”, leuk.

Tambe por a ripara cu e estilo di Nichelle ta un tiki tribi, un tiki coketa, den e forma bunita y artistico, naturalmente mustrando hopi profesional den e videoclipnan.

Nichelle ta conta cu pa loke ta videoclip e tin basta videoclip. Loke ta artdirection, ta su colega a yud’e completo cu esey.

Nichelle a conta cu basta tempo pasa el a saca un videoclip, pa despues tuma un break. Awo, e no ta stop mas. E videoclip di tur dos cantica “Cu mi” y “Su luga” por enjoy nan riba Youtube como tambe Spotify, TikTok, Instagram, Facebook y varios otro plataforma mas cu por tuma nota di dje.

Nichelle ta invita tur hende pa bay scucha “Cu Mi’. Nichelle sa cu tur hende lo gust’e cu un dushi vibe, sea cu bo ta na lama, na cas of hasta wak solo baha, por disfruta di e cantica. Tambe e ta gradici un y tur cu a sostene. Pa esunnan cu no conoce e caminda, bay wak e video clip. No tarda, pasobra nan ta priminti di ta algo tremendo.

.tdi_10.td-a-rec{text-align:center}.tdi_10.td-a-rec:not(.td-a-rec-no-translate){transform:translateZ(0)}.tdi_10 .td-element-style{z-index:-1}.tdi_10.td-a-rec-img{text-align:left}.tdi_10.td-a-rec-img
img{margin:0
auto 0 0}@media (max-width:767px){.tdi_10.td-a-rec-img{text-align:center}}

Comment

Your email address will not be published. Required fields are marked *