Music Camp specialmente pa hoben durante herfstvakantie

E conocido musico Ivan Quandus ta preparando un Music Camp specialmente pa hoben den temporada di vakantie venidero. Den e caso aki lo ta enfocando riba diferente tema di ‘music production’.

Rib’e prome dia lo tin teoria. Lo bay tin tambe ‘band rehearsals’. E cos mas great cu e hobennan di awendia ta gusta ta videoclip. Lo atende cu esaki tambe cu smartphone filming.

E camp lo ta mas tanto riba musica popular y tipico. Quandus ta splica cu lo cubri fuera di teoria, lo pone esaki den practica den musica, caminda cu lo cover musica popular. Pero ta hopi importante pa mishi e tema cu hopi hende no ta tene na cuenta na dje, cual ta nos musica cu tin cu inculca den nos hobennan, pa despues den futuro, nan por hiba nos musica riba un otro nivel.

Durante e camp aki, tur dia lo tin un invitado pa cada subject di e music camp aki. Lo tin entre otro Federico Martis atendiendo cu teoria. Di dos dia lo tin Band Rehearsals, cu e alumnonan di Scol di Musica Rufo Wever, lo asisti pa por haci e band rehearsal aki mas interactivo.

COSTO

E camp aki ta costa solamente 100 florin y ta fo’i edad 13 pa 18 aña, specialmente e edad aki caminda hopi biaha tin diferente camp, pero no tin pa hoben. Ivan Quandus a gradici ATHA, hunto cu Scol di Musica Rufo Wever pa kere den e proyecto aki, enfocando riba hoben cu durante vakantie por experencia un idea nobo.

INVITACION

Un invitacion ta bay pa tur e hobennan cu ta interesa pa conoce un tiki mas pa loke ta come y bebe di musica. E lo ta un camp hopi interesante y lo tene hopi interactivo. Intencion ta cu e lo ta un teamwork di hoben. Hunto lo ta cuminsando fo’i cero te na crea e producto final cual ta un videoclip.

Pa un relato mas amplio, lesa TREMPAN.