Miss Universe Aruba a sali pa New York

Kiara Arends a aborda un avion diahuebs atardi rumbo New York. E representante di Aruba den e proximo certamen di Miss Universe tin varios plan relaciona cu e visita aki na ‘The Big Apple’. Prome cu tur cos, el a ricibi un invitacion for di Miss Universe Organization hunto cu representante di varios otro pais.

E encuentro cu e organisacion a bira un custumber den ultimo añanan, caminda e missnan ta haya chens pa profila nan mes riba e plataforma internacional a traves di media social. Tambe ta un bon oportunidad pa conoce personalmente algun di e ehecutivonan di e Miss Universe Organization pa estrecha relacion.

Adicionalmente, nos Miss Universe Auba ta bay realisa casting pa e New York Fashion Week tumando luga entre 8 y 15 di september. Arends a splica cu e ta “bay haci diferente sesion di potret cu cual e kier promove Miss Universe Aruba y ta purba di haya un luga den New York Fashion Week 2022.” Keda selecta pa un di e shownan di moda aki ta un señal cu bo tin e cualidadnan di un modelo.

Pa un relato mas amplio, lesa TREMPAN.