WILLEMSTAD – Ministerio di Enseñansa, Siensia, Kultura i Deporte (ESKD) a organisá kurso di digitalisashon huntu ku Ministerio di Gobernashon, Planifikashon i Servisio na Públiko (BPD) pa personal di sostén di IT di tur direktiva di skol. Esaki den kuadro di e trayekto di digitalisashon den enseñansa pa hasi uzo di Microsoft 365.
E kurso a keda tené na e skol sekundario di direktiva di skolnan katóliko Ban Bria. E kompania APS-IT Diensten a duna e kurso i ta sigui traha huntu ku e tim di digitalisashon di Ministerio di Enseñansa, Siensia, Kultura i Deporte pa profeshonalisá e ministerio den e área di digitalisashon. Durante di e aña aki e trayekto aki ta bai konosé un dimenshon nobo kaminda ta bai duna mas kurso i treining na personal di Minsiterio di ESKD tambe.
Esaki ta sigui durante di e periodo aki pa asina traha mas dirigí i efisiente riba e trayekto di digitalisashon den Enseñansa.
—
