MINISTER VAN HEYDOORN A RISIBÍ SRA. REYNA JOE NA SU DESPACHO

WILLEMSTAD – Minister di Enseñansa, Siensia, Kultura i Deporte sr. Sithree van Heydoorn a risibí na su ofisina sra. Reyna Joe, inisiadó i organisadó di e úniko Konferensia Anual di Liderazgo Femenino na Kòrsou.

Durante di e enkuentro sra. Reyna Joe a duna informashon di kon e konferensia a kuminsá, kiko tabata e desaroyonan te ku a yega na e di 20 edishon i ku e aña aki ta repartí den dos: un konferensia i un ‘retreat’. E aña aki ta selebrá di 20 aña di e evento ku ta riba nivel internashonal i ku a kuminsá foi aña 2004. E aña aki e konferensia ta tuma lugá riba djabièrnè 26 di mei 2023. Pa mas informashon por bishitá About Female Leadership Conference riba facebook.

Minister van Heydoorn a hasi diferente pregunta pa haña mas informashon i a konfirmá ku di bèrdat ta bala pena ku tin un evento asina aki, espesialmente mirando ku Kòrsou ta un komunidat ku semper a duna oportunidat na hende muhé. El a sigui afirmá ku no mester para ketu pero mester sigui traha riba formashon di hende muhé maske ku e tin un formashon formal kaba.

Finalmente e mandatario a ekpresá su apoyo pa e evento i a felisitá ku ta selebrá e aña aki un aniversario meresí.
—

**Riba e potrèt por mira minister van Heydoorn risibiendo promé pèn di e aña aki di e Konferensia di Liderazgo Femenino na Kòrsou, for di man di inisiadó i organisadó sra. Reyna Joe.