Minister Tjon ta insisti pa bula cabes di polis Paola Kock

Aunke cu el a gana su caso den Corte di Prome Instancia, Minister di Husticia Rocco Tjon ta insisti pa retira Paola Kock como polis. Nan ta bisa cu e tabata duna  ex-minister Paul Croes, envolvi den caso IBiS, informacion. Diamars mainta Corte di Apelacion di Casonan di Ambtenaar a trata e caso aki, unda a scucha algun informacion poco sensitivo. Informacion cu ta pone hopi puntra nan mes con ta actua y retira Paola Kock y di con no ta actua contra otronan den top di Mando Policial.

E situacion ta hopi confuso p’e pasobra ta hopi cos tin tumando luga den KPA y situacionnan alarmante, pero no ta tuma ningun paso contra e funcionario aki. Inclusive, tin mensahe copia unda cu ex-hefe di Cuerpo Policial ta bisa Paul Croes cu tin investigacion contra dje. E mes a wordo informa door di un funcionario di Team di Vigilancia cu nan ta papiando riba dje y cu lo yam’e aden pa papia cu ne.

“Pero no bisa nada cu mi a bisa bo,” e funcionario a bisa. Pero ta hopi cos mas tin manda via di mensahenan cu a yega den man di Paola Kock y cu ta pone pensa pakico “ami nan kier retira pa mal judgement mientras cu otronan cu a actual intencional pa duna informacion y nada ta wordo haci contra nan”. Wel riba esaki lo haya sa kico Corte di Apelacion ta pensa aki tres siman, ora cu e decision lo wordo anuncia.

Pa lesa mas subi TREMPAN.