MINISTER SILVANIA DEBE PUEBLO PUBLIKASHON LEI OZB I 12.5%
Stop di hasi chansa ku San Antoni. Pueblo no ta kèns. Bo no a demonstrá piedat den tempu difisil.
Atrobe un minister di finansa di MFK ta keda sin publiká un lei na fabor di pueblo. Biaha pasa tabata Jamaloodin ku e lei di koperativa i e biaha aki ta Silvania no kier publiká e lei di OZB.
Parlamento di Kòrsou a aprobá e lei aki i pakolmo MFK den parlamento a vota pro pa e lei aki. Awor tin 13 parlamentario ku ta sostené e gobièrnu aktual, ta sinta laga minister Silvania keda sin publiká e lei mientras pueblo si no ta haña alivio di e lei devastador aki.
Durante e prome mitar aña di 2022, Kòrsou a generá 869 mion florin i pa loke ta di 2 kuartal, Kòrsou a uza 127 mion for di e sùrplùs pa paga debe. Den un tempu asina difisil minister Silvania a sa na chika, primi i saka e sènnan aki for di pueblo. E no a tene piedat. Pesei Trabou pa Kòrsou TPK ta eksigí di e minister pa duna pueblo awor e alivio ku e meresé. Publiká e lei di OZB i duna pueblo su 12.5% bek.
