Minister President Evelyn Wever-Croes: Aanwijzing lo tabata desastroso pa Aruba

Durante rueda di prensa tanto prome minister como minister di financia a vocifera riba confiansa, siguridad, trankilidad, trahado duro. Pero comunidad ta preocupa door di e recortenan cu a tuma luga durante aña den sector publico y priva. Comunidad kier sa kico por spera di gobierno pa yega 1% di sur plus na 2023.

mr. Evelyn Wever-Croes, Prome Minister di Aruba, a indica cu si Aruba a haya e aanwijzing, manera hopi hende a pidi, esaki lo a causa hopi dolor. E plan cu gobierno a presenta y cu oposicion a bagatelisa, a bisa cu gobierno no sa kico nan ta haci, di ta arogante, segun e mandatario, si no a acepta nan plan y respeta, pa loke ta confiansa, siguridad, trankilidad, trahado duro, entre otro, lo mester a pasa e aña aki y otro aña.

A presenta un plan e aña aki pa spaar esunnan mas vulnerabel. Segun Wever-Croes, por ehempel e cortamento di 60 miyon den gasto di cuido, gobierno a bisa na prome instancia cu nan no por cumpli cu ne. E oponentenan, incluso sindicalista a bisa pa cumpli cu ne. E ta haya riba e dia diabierna tabata hopi importante pa cada un persona reflexiona y mira unda nan ta para. Ta para pa esunnan vulnerabel, di cual e mandatario si ta para pa nan y ta bringa cu alma y cuerpo, pasobra no ta loke otro ta pensa ta na bienestar di esunnan mas vulnerabel den comunidad.

Esunnan cu a bay te Hulanda pa pidi aanwijzing, ta puntra nan mes kico ta bay pasa awo, specialmente cu esunnan mas vulnerabel. Prome minister ta enfatisa cu si e aanwijzing mester a bin, e ora si ta di preocupa. Presupuesto di otro aña ta entrega caba na parlamento y ta publico. Tur hende a cuminsa studi’e y comenta riba dje. Un parlamentario a indica cu e gasto no ta baha y mester bin aanwijzing, pero Wever-Croes ta haya cu mester ta hopi cauteloso.

Pa mas lesa TREMPAN.COM.