Minister Oduber: Lo spaar hopi den cuido sin introduci ‘eigen bijdrage’

E topico di eigenbijdrage y positievelijst di AZV tabata un di e topiconan cu Minister di Salud Publico, Dangui Oduber a toca den e conferencia di prensa di Gabinete Wever-Croes II diabierna mainta na sede di gobierno. E decisionnan tuma pa cu esaki ta inclui un call center, mantencion di remedi pa malesanan cronico y cambio den decreto di importacion di remedi.

Oduber a splica cu ta mantene e cobertura di remedi pa pashentnan cu malesa cronico pa medio di un verwijsbrief cu dokter di cas/specialista ta duna. Remedinan di uzo incidental si AZV no ta bay cubri mas. Tambe a duna di conoce cu den dialogo cu stakeholders y realizando ehercicio di cifranan, a logra yega na cambionan den e decreto di importacion di remedi cu lo genera un reduccion di gasto cu ta te cu dos biaha e suma cu e eigenbijdrage lo mester a aporta na e presupuesto di AZV. 

Di e manera aki, e mandatario ta hopi complaci cu maneho cu ta bay hiba. Di un banda ta proteha e gruponan mas vulnerabel di asegurado di AZV y ta hiba na un maneho mas eficiente, mientras cu di otro banda e ta kere cu oposicion no lo ta contento cu ne, ya cu nan tabata ansha pa gobierno introduci e eigenbijdrage.

Pa un relato mas amplio, lesa TREMPAN.