/* custom css */
.tdi_9.td-a-rec{
text-align: center;
}.tdi_9 .td-element-style{
z-index: -1;
}.tdi_9.td-a-rec-img{
text-align: left;
}.tdi_9.td-a-rec-img img{
margin: 0 auto 0 0;
}@media (max-width: 767px) {
.tdi_9.td-a-rec-img {
text-align: center;
}
}
Diaranson atardi Minister di Turismo y Salud Publico, Dangui Oduber, a sali rumbo pa Merca pa asina por compaña Reina Maxima den su biahe di trabou.
/* custom css */
.tdi_8.td-a-rec{
text-align: center;
}.tdi_8 .td-element-style{
z-index: -1;
}.tdi_8.td-a-rec-img{
text-align: left;
}.tdi_8.td-a-rec-img img{
margin: 0 auto 0 0;
}@media (max-width: 767px) {
.tdi_8.td-a-rec-img {
text-align: center;
}
}
Austin
Diahuebs Minister Oduber lo ta na e estado di Austin na unda e lo participa na un conferencia di salud conhuntamente cu minister Ernst Johan Kuipers cu ta e minister di Volksgezondheid, Welzijn en Sport (VWS) di Hulanda. E conferencia di salud ta organisa enconhunto cu Austin Healthcare Council, cu ta un organisacion non-profit funda door di e lidernan di e industria di salud cu ta traha hunto cu un solo meta, pa establece Austin su posicion global como e centro di innovacion pa salud. Aki lo brinda e oportunidad pa asina fortalece cooperacion despues di e ultimo bishita na aña 2019 cu a tuma luga na Texas, pero tambe cu bista pa futuro y pa oportunidad di traha den colaboracion.
Minister Oduber tin e oportunidad di hiba palabra y lo comparti e experiencia di con innovacion y tecnologia a yuda Aruba maneha e pandemia di COVID19. Lo elabora sigur riba Aruba Health App traha durante e pandemia pa facilita e proceso di test y tambe pa centralisa informacion di cada pashent di un manera optimal, digital y accessibel pa tur hende den comunidad di Aruba. Lo elabora adicional con despues a incorpora e uzo di e sistema pa ta un solucion caminda cu e pasaheronan por presenta nan datonan personal di salud na aerolinea, hotel y tur e partnernan den e industria di hospitalidad den un forma priva y sigur. Lo pone enfasis riba e echo cu Aruba, un pais asina chikito, ta un ehempel pa diferente pais mas grandi. Lo papia over con otro paisnan grandi tambe a opta pa implementa e sistema aki despues cu nan a wak con eficiente e aplicacion aki ta.
Despues lo compaña Reina Maxima y minister Kuipers di salud pa bishita Hogg Foundation di salud mental. Aki lo trata varios tema di interes comun con e paisnan ta atende cu tur reto den salud mental y comparti diferente informacion pa elabora riba con e paisnan por yuda sostene y coopera cu otro den esaki. Na Hogg Foundation e meta principal ta con pa incorpora innovacion pero tambe siña traha na un manera mas preventivo riba e tereno di salud mental, specialmente pa nos hobennan.
Houston
Diabierna minister Oduber lo ta na Houston, caminda e lo haya un recorido di e Texas Medical Center (TMC) Innovation y alabes e lo bishita MD Anderson Cancer Center cu Reina Maxima y tambe minister Kuipers. E dos centro medico aki ta renombra como un di e mihonan rond di e pais. Durante e bishita aki nan lo haya diferente presentacion di experto den e ramo di salud y tambe lo tin oportunidad pa haci pregunta.
Minister Oduber ta haya e oportunidad aki importante pa por crea cooperacion internacional nobo y fortifica esunnan existente. Tambe e ta sumamente orguyoso di tin e oportunidad pa por hiba palabra den nomber di Aruba pa focus riba e importancia di innovacion den cuido y con tecnologianan avansa por yuda mehora calidad di cuido.
E biahe aki su enfoke principal ta innovacion riba tereno di salud.
/* custom css */
.tdi_10.td-a-rec{
text-align: center;
}.tdi_10 .td-element-style{
z-index: -1;
}.tdi_10.td-a-rec-img{
text-align: left;
}.tdi_10.td-a-rec-img img{
margin: 0 auto 0 0;
}@media (max-width: 767px) {
.tdi_10.td-a-rec-img {
text-align: center;
}
}
Comment