MINISTER HOEKSTRA TA BISHITÁ E PAISNAN DI KARIBE

WILLEMSTAD – Di dia 24 te ku 26 di òktober, Minister Hoekstra lo bishitá konsekutivamente St. Maarten, Kòrsou i Aruba pa dialogá ku e Promé Minister i Gobernadornan di e paisnan tokante desaroyonan geopolítiko aktual na Oropa i den hemisferio wèst.

Banda di e kombersashonnan bilateral ku Promé Minister i Gobernadornan di e paisnan di Karibe, Minister Hoekstra tambe lo presidí e Konsulta di Relashonnan Eksterior di Reino na Kòrsou. E konsulta anual akí ta brinda espasio pa diskutí tokante vishon i interesnan di e paisnan, ku e meta final pa konhuntamente duna kontenido na e relashonnan eksterior. Minister Hoekstra, Promé Minister Pisas di Kòrsou, Promé Minister Jacobs di St. Maarten i Promé Minister Wever-Croes di Aruba entre otro lo papia tokante konsekuensianan di e guera na Ukrania pa e region Karibense, e relashonnan ku Venezuela i tambe e kolaborashon multilateral. Na final di e konsulta lo tene un Konferensha di Prensa.