Djabièrnè dia 24 di febrüari último:
WILLEMSTAD — Salú mental ta un parti importante ora ta papia di un hende su salu, esaki ta algu ku mayoria hende ta akseptá y konfirmá. E pandemia di Covid a enfatisá esaki pa rònt mundu.
Aki na Kòrsou nos tambe a ser sakudí pa e impakto grandi ku e pandemia a trese riba nos poblashon i en partikular e preshon ku esaki a trese riba organisashonnan ku ta duna servisio di salu mental.
World Health Organization i Pan-American Health Organization na Sèptèmber 2022 a akordá un liña di maneho pa ku Salu mental ku ta konsistí di sinku (5) liña stratégiko, ku a ser rekomendá na paisnan rònt mundu.
E liñanan ta:
- Reforsá liderazgo, gobernansia, koperashon multi-sektoral i inklushon di salú/salú mental den tur área di maneho.
- Trese mehoransa den aksesibilidat i kalidat di kuido di salú mental inkluso kuido pa adikshon basá riba e sistema di “community based”.
- Reforsá kapasidat pa hasi promoshon di salú i strategia pa prevenshon den kuadro di salú mental pa hende di tur edat.
- Integrashon di salú mental i sosten psycho soshal den kaso di Kalamidat.
- Reforsá kapasidat pa kolekta datos i hasi investigashon.
Na aña 2019 Gobièrnu a akordá e dokumento di vishon di salú mental na kual mayoria instansha ku tabata presente a partisipá i kontribuí pa esaki por a bira un realidat.
A kuminsá ku organisashonnan ku ta duna kuido manera FMA, PSI (Skuchami), Brasami, Klínika Capriles, PAAZ, Fundashon Sonrisa i Yuda bo Yu i mas lat den e trayekto lo sigui agregá otro stakeholder te ora nos tin henter e área di kuido.
Na final di e dia a yega na diferente konklushon, tambe a instituí un grupo di trabou ku lo bai traha riba koperashon integral di tur instansia. Di e forma aki Minister Pietersz-Janga lo sigui desaroyá diferente fasetanan di salú mental na bienestar di pueblo di Kòrsou.
