News

Minister Dangui Oduber: Destaho di ondererfpacht lo genera e fondo pa APA uza den Port City

/* custom css */
.tdi_9.td-a-rec{
text-align: center;
}.tdi_9 .td-element-style{
z-index: -1;
}.tdi_9.td-a-rec-img{
text-align: left;
}.tdi_9.td-a-rec-img img{
margin: 0 auto 0 0;
}@media (max-width: 767px) {
.tdi_9.td-a-rec-img {
text-align: center;
}
}

Diamars mainta Minister di Turismo y Salud Publico, Dangui Oduber conhuntamente cu Minister-President, Evelyne Wever-Croes y Director di Aruba Ports Authority (APA), Marc Figaroa a anuncia e magno proyecto di Port City. Henter e area di waf a bira disponibel pa crea un desaroyo na momento cu algun aña atras a muda e waf di carga na Oranjestad pa Barcadera.

/* custom css */
.tdi_8.td-a-rec{
text-align: center;
}.tdi_8 .td-element-style{
z-index: -1;
}.tdi_8.td-a-rec-img{
text-align: left;
}.tdi_8.td-a-rec-img img{
margin: 0 auto 0 0;
}@media (max-width: 767px) {
.tdi_8.td-a-rec-img {
text-align: center;
}
}

E proyecto di Port City lo tin un inversion priva di 500 miyon dollar cu lo crea un spin off economico hopi grandi pa nos pais. Tambe e lo crea aproximadamente 3 mil cupo di trabou, entrada pa APA, rond di 40 miyon florin pa caha gobierno y contribui grandemente na nos GDP.

Segun Minister Oduber, pa hopi aña caba Gobierno a intercambia pensamento, a reuni y scucha e stakeholders pa asina dicidi kico ta bira e destino di e terenonan na waf di Oranjestad. Despues di e consulta cu stakeholders, gobierno a tuma e decision cu e proyecto di Port City lo bira un mix caminda lo percura pa gran parti di e tereno keda habri cu naturaleza y tambe pa e keda disponibel pa comunidad por haci uzo di dje.

Desde cu Minister Oduber a drenta gobierno na aña 2017 e mandatario a pone e proyecto di Port City como prioridad y a cuminsa traha riba esaki.

– A percura pa e terenonan cu falta di pais Aruba pasa pa APA.

– A traha un concepto pa locual e proyecto mester bira.

– A percura pa lanta un entidad nobo cu lo guia e proyecto.

– A haci tur preparacion necesario pa destaho por tuma luga.

PORT CITY

E proyecto di Port City ta un master plan, un proyecto hopi ambicioso caminda ta bay crea un ciudad nobo pa futuro cu lo tin un tempo di ehecucion di entre 10 pa 15 aña. E ta bira un mix di boutique hotelnan, condominio, espacionan habri, caretera escenico, boardwalk, area di parkeo y landscaping. E lo mester bira e proyecto di calidad super halto cu desaroyo di boutique hotelnan exclusivo. E prome fase lo cuminsa banda di ex Bushiri hotel te cu e retonde di Wendy’s.

Minister Oduber a splica e modelo cu APA lo bay uza caminda APA lo ofrece e terenonan aki pa medio di ondererfpacht. E desaroyodado cu gana e destaho publico lo mester paga 40% di e erfpacht di manera adelanta y e resto di 60% durante un periodo di 60 aña. Entradanan cu genera, APA lo inverti bek den infrastructura, caretera, landscaping, boardwalk y mantencion di esaki.

Den e proyecto di Port City ta enfoca hopi riba sostenibilidad den e construccion caminda tur e edificionan ta haci uzo di e certificacion di LEED (Leadership in Energy and Environmental Design) y uzando e modelo di “circular economy”. E ciudad cu lo crea ta bay ta hopi eficiente na momento di uzo y re-uzo di recursonan, esaki ta haci e proyecto “green” y hopi moderno y sostenibel.

Minister Oduber a informa cu e destaho publico lo tuma lugar e aña aki mes y pa otro aña e proyecto lo mester ranca sali.

/* custom css */
.tdi_10.td-a-rec{
text-align: center;
}.tdi_10 .td-element-style{
z-index: -1;
}.tdi_10.td-a-rec-img{
text-align: left;
}.tdi_10.td-a-rec-img img{
margin: 0 auto 0 0;
}@media (max-width: 767px) {
.tdi_10.td-a-rec-img {
text-align: center;
}
}

Comment

Your email address will not be published. Required fields are marked *