MINISTER COOPER TA RISIBÍ STUDIANTENAN DI SKOL OMEGA

Willemstad – Minister Charles Cooper a risibí studiantenan di Skol Omega resientemente. E 2 studiantenan Leenah Halabi i Chantall Thodé a entrevista Minister Cooper den kuadro di un proyekto ku nan mester traha riba dje.

 

Preguntanan ku a hasi tabata entre otro:

–           kiko un Minister ta hasi,

–           kiko Minister di VVRP ta hasi,

–           kiko e ministerio su responsabilidat ta,

–           kua ta e organisashonnan di ehekushon,

–           kiko kada un ta hasi,

–           kiko kabinèt di Minister ta hasi,

–           i kuantu kolaboradó tin den kabinèt i den Ministerio

 

Minister Cooper ta satisfecho kon e entrevista a bai. Minister ta enfatisá ku esaki tambe ta parti di e trabou i den su skema yen tòg a saka un espasio pa reuní ku e 2 studiantenan aki.