Minister Arends: Tin cu eleva integridad den nos pais

E titular di integridad ta convenci cu tin suficiente tempo ainda pa atende cu un cultura di integridad na Aruba. El a expresa su admiracion pa e manera con e profesionalnan, tanto di e commissie Corporate Governance, pero tambe e propio profesionalnan di gobierno y tambe e Themis Institute; specificamente pa e sosten cu su ministerio a ricibi pa desaroya e Ordenansa Nacional (landsverordening) y tambe e Decreto Nacional Conteniendo Medidanan General (Landsbesluit Houdende Algemene Maatregelen of LB HAM).

Mas cu tur cos, Minister Arends ta contento di mira cu no ta solamente gobierno ta trahando pa haci cambio pa loke ta trata integridad y hisa e nivel di integridad. Pa cu esaki el a menciona con diaranson di e siman aki el a atende un workshop na La Cabana organisa pa Universidad di Aruba y mas otro fundacionnan. A trata e resultado riba su mes y kico ta e stapnan cu, como comunidad, nos por haci.
Minister Arends: “Dus mas y mas bo ta mira cu mas instancia tambe ta mira e importancia; no solamente di integridad, pero tambe di corporate governance y esey ta duna mi e motivacion tambe mirando cu nan no ta laga e responsabilidad aki solamente den man di gobierno, pero di full e comunidad di Aruba pa nos por garantisa e nivel di integridad y e nivel di corporate governance cu nos kier mira na nos pais.”