Minister Arends ta dispuesto pa evita mas protesta na Arubus

E situacion di Arubus ta uno alarmante. A anuncia caba den prensa cu lo bay tin welga y diahuebs 8:00 am te cu diabierna 8:00 am, pues pa 24 ora no lo bay tin bus ta core. Esaki ta haci e situacion di e usuarionan cu tin cu bay trabao.

Minister Ursell Arends a tuma nota di e anuncio aki. El a comenta cu el a bin ta tuma nota tambe di e pasonan cu lo tuma y kico e sindicatonan a anuncia.

Durante fin di siman cu a pasa, prome cu el a biaha, el a sinta cu mediador di gobierno pa mira kico t’e impasse y a pidi su asistencia, p’asina trece e partidonan hunto pa por yega na un solucion.

Diaranson mainta, Raad van Commissarissen y mediador di gobierno hunto cu sindicato. Diahuebs mes e minister lo tin un reunion cu mediador di gobierno y e lidernan sindical di SEPPA rib’e tema di Arubus y ta spera cu pronto por yega na un solucion, caminda cu nan lo por reanuda nan servicio cu nan ta duna, p’asina tur esunnan cu ta depende di e servicio di transporte publico, en especial di Arubus, por ta garantisa pa nan por hay’e.

Diahuebs durante dia e lo tin e reunionnan aki p’asina aki scucha di tur banda, pa por yega na miho solucion. Ta bon pa remarca cu e situacion financiero pa loke ta trata Arubus, ta aden, tambe mester ta atendi cu ne den un forma di urgencia. Ta un situacion delicado y segun e minister, esaki tambe mester ta treci na conocemento di tur e partidonan envolvi, p’asina nan sa tambe na unda ta para aworaki financieramente cu e compania y kico t’e posibilidadnan cu e compania por brinda n’e empleadonan.

Pa mas informacion Lesa mas den TREMPAN.