Minister Arends: Dump lo cera e aña ‘ki!

Diabierna anochi tabatin un encuentro entre e habitantenan di e bario di Simeon Antonio, hunto cu Minister Ursell Arends, den e Compleho Deportivo, caminda cu nan a trece varios preocupacion dilanti, entre otro e problema di dump y tur su consecuencianan.

Minister Ursell Arends, pa 70 aña a conduci pa yega unda nos ta awo. E minister a comparti cu e habitantenan. Por sinti cu e bario ta preocupa, fada y kier mira plan concreto.

Diabierna anochi a presenta e vision, e plan y con kier atende cu esaki, hunto cu e team di e ministerio.

A splica detayadamente kico t’e proceso y e minister a sinti cu esaki ta anhelo y deseo di e bario. Cada dia cu permiti p’e dump di Parkietenbos ta habri, den wowo di e minister, ta cada dia cu nan ta faya y ta laga e bario di Simoen Antonio, Parkietenbos, Cas Paloma, Buena Vista, Bucutiweg, na caya.

P’esey awo cu tin e plan, aunke el a dura, tin e caminda cu kier bay, aworaki a sali y dialoga cu e bario pa splica nan cu pa fin di aña, Parkietenbos lo ta cera.

Loke kier haci ta pa converti e area di Parkietenbos den un modelo pa loke ta trata uno sostenibel, esta un bario sostenibel. Mas cu tur cos un bario cu ta dushi pa biba aden bek. Esey ta loke a bin ta presenta n’e comunidad y n’e bario. Por a sinti cu nan tambe tin idea, nan tambe tin cos cu nan kier mira pasa y a bisa nan cu e prome paso lo ta redirigi desperdicio, cera e dump, sanea e area y despues di esey plania kico tur kier mira pasa den e bario.

Aworaki e salud di e habitantenan ta prioridad. Cada dia cu e dump ta habri, e ta un menasa p’e salud di e habitantenan y un peliger pa nos naturalesa. Esey ta cos cu como prioridad, e minister kier atende cu ne n’e momento aki.

Pa mayor cobertura lesa TREMPAN.