Milton Ponson: No tin ningun maneho pa cu sex tourism na Aruba

Den su mensahe di diabierna, Milton Ponson di Rainbow Warriors Core Foundation, miho conoci como Resiliance World International kier a trece un tema dilanti relaciona cu turismo, cu mi ta kere cu ta bay habri wowo di hopi hende aki na Aruba pa e embergadura di e tema y e echo cu e ta bon scondi y niun hende kier papia riba dje. E tin di haber cu e tipo di turismo cu nos ta atrayendo y mane nan ta bisa na Ingles: e dark side of tourism. E parti informal di turismo di cual niun hende kier papia, pero aparentemente tin hopi hende involucra aden; un parti di turismo cu ta hopi lucrativo y na mesun momento no riba radar di e publico en general. Posiblemente si di gobierno, pero gobierno no ta actuando riba dje.

Ora Covid-19, e pandemia a wordo declara bou control den hopi pais rond mundo, incluyendo paisnan mane Aruba cu ta destinacion principal pa turismo. Nos kier a enfoca riba specificamente un par di pais: Bali, Fiji, New Zeeland, Thailand, Grecia y algun otro pais pasinan reconoci como destinacionnan turistico cu tin hopi cos pa ofrece. Algun di e paisnan aki, despues di Covid-19 a dicidi pa, rason di haci e turismo den nan pais recupera mas rapido y na mesun momento e mercadonan cu nan kier sirbi pa e segmento di mercado cu nan kier atrae, pa haci e turismo mas robusto, ta buscando manera pa atrae e tipo di turista cu tipicamente tin mas entrada y cu ta gasta mas.

Pues algun di e pais nan aki a cuminsa opta pa discurasha e tipo di turista cu ta wordo asocia cu cheapskate tourist, cu ta hendenan cu ta busca e manera mas barata pa biaha y menos pa gasta na e destinacion turistico na unda nan ta bay, pero tambe e backpackers. E paisnan a opta pa discurasha e tipo di turistanan aki y a cambio ta buscando pa atrae e turistanan cu un entrada mas halto y turistanan cu ta keda mas largo y pues eynan tambe nos ta wak atrobe tin un interes hopi grandi pa atrae, entre otro digital nomads, mirando cu keto bay e remote work ta vigente den hopi pais na Europa y asta na Merca ainda y e tipo di turista obviamente aki ta trece yen di beneficio economico pa e paisnan concerni.

Ora nos wak cu un pais manera Thailand, cu prome cos cu bo ta pensa riba dje ta kico ta categorisa e turismo di Thailand, un di e cosnan cu ta bin ta resalta ta sex tourism. Nos tur sa cu Bangkok ta un di e hotspotnan pa tur tipo di servicio di turismo liga na prostitucion y tur loke tin di haber cu e mundo di recreo basa riba servicionan sexual. Awo e pregunta ta e maneho nobo cu recientemente a wordo anuncia door di gobierno di Aruba, door di minister Dangui Oduber cu hunto cu e departamentonan concerni bou di su ministerio kier bay busca un manera pa tambe aumenta nos turismo, haci nos turismo mas robusto, pero principalmente aumenta e cantidad di stay-over tourist pa 2 miyon pa aña.

Nos no a haya un splicacion explicito di ki tipo di turista kier bay atrae y mas ainda lo ta logico pa indica ki tipo di turista nos kier bai discurasha pa bin Aruba. Nos tur sa cu actualmente cheapskate tourist y backpacker tourist tambe ta biniendo Aruba y entre otro atrae door di centenares di luga di Airbnb na unda nan ta haya prijsnan hopi mas rasonabel cu den e hotelnan y condominium y apartament complex tradicional cu tin aki na Aruba.

E problema ta cu si nos wak ariba un website cu nos a haya buscando algun informacion riba e mercado di turismo informal. Pa nos sorpresa nos a bin dal den un website cu ta duna un buki completo, un manual completo riba kico tur ta sex tourism in Aruba, tur e servicionan sexual y loke tin nos spanta ta cu na comienso di e articulo aki cu ta un index, un directorio di tur loke tin y na unda bo ta asta pickup escort services y prostituta.

Cuminsamento di articulo ta bisa “prostitution in Aruba is legal“. Esaki a pone un alarma bati masha formal mes pasobra nos tur sa aki na Aruba cu esaki no ta e caso. Den pasado a wordo designa un area na unda prostitucion ta wordo tolera y ta bou control di salubridad publico. E situacion actual ta completamente diferente y basa riba loke tin disponibel, centenares di website riba internet cu ta mustra cu Aruba ta ideal pa servicionan sexual y mirando cu otro paisnan ta discurashando e cierto tipo di turista aki, nos ta puntra nos mes si nan ta bay bin cu mas frecuencia Aruba.

Y un cos cu nos tin cu resalta, recientemente na Merca autoridadnan di salubridad publico a resalta cu despues di Covid-19 a wordo declara bou control den hopi estado, servicio sexual tambe a wordo reanuda y awoki tin un aumento drastico di sifilis, gonorea y HIV, esta malesanan transmiti sexualmente; entre otro den e estado di New York na unda ta bin resalta cu particularmente sifilis y gonorrea, e variantenan cu ta wordo haya aworaki ta esun nan cu ta resistente contra tur antibiotica.

Y aki na Aruba Covid-19 no ta un emergencia di salubridad publico mas y aparentemente Monkeypox tampoco. Nos pregunta ta si e problema di nos turismo di sector informal creciente di sex tourism na Aruba no kier porblemanan señala na Merca pa loke ta e malesanan transmiti sexualmente, si esey no ta bay ta e caso y fuera di esey e mundo informal aki crecientemente y ta wordo domina controla door di baho mundo Ruso hunto cu e Venezolanonan ta treciendo esclavonan sexual for di Venezuela.

P’esey mes State Department a declara Aruba ainda un isla na unda human trafficking, particularmente abuso di hende muhe den e servicionan sexual ta un problema y si esaki sigui asina y e autoridadnan no atende cu e asunto aki pronto nos turismo su reputacion y Aruba su reputacion como destinacion, un primary destination for tourism ta bay suelo.