Milton Ponson: Consecuencia cu no tabatin aanwijzing ta cay riba e funcionario publico chikito

Milton Ponson di Rainbow Warriors Core Foundation miho conoci como Resilient Worlds International su mas reciente declaracion ta bisa como lo siguiente:

Nos tur a tende siman pasa diabierna cu aanwijzing no ta bay bin pa gobierno di Aruba y gobierno di Aruba a felicita su mes y pueblo di Aruba cu e gran logro cu no a haya aanwijzing. Pero awo nos kier papia riba e consecuencia di no a haya aanwijzing pa e homber chikito den sector publico. T’asina cu supuestamente gobierno di Aruba a haci e poco cambio di presupuesto 2022 y 2023 y tambe a anuncia desde aña pasa cu ta bay tin poco cambio haci den sector publico pa reduci gasto di gobierno. Pues awe nos kier trece un pa dilanti cu gobierno convenientemente no kier pa consumo local, pa tur esunnan envolvi sa kico tin na caminda pa nan.

Ta asina cu gobierno, den su afan, pa bay corta den aparato publico manera den pasado a yega di sosode, semper ta bay pa e homber chikito prome. Manera nan ta bisa na Ingles ‘the bottom feeders’, esunnan cu ta mas abou den herarkia di sector publico cu, den hopi caso, ta boil down manera chauffeur, bode, werksters y hendenan cu tipicamente no tin mester di un skill set o sea formacion formal den cualkier ramo, pa nan por desplega e tipo di trabou. Ta net esunnan aki ta e promenan yama cu gobierno tin pensa di bay elimina pa reduci gastonan.

Ban papia pasobra e lista cu nos tin, cu nos a haya indicacion fuerte cu ta yen di departamento di gobierno ta bay wordo elimina, reduci den tamaño of hinca bou di otro departamento. Ban cuminsa cu e dos cu sigur ta bay haci un impacto grandi. Nos tin entendi cu Serlimar ta bay disparce.

Dama y cabayeronan, no ta na mi luga pa bay divulga mi fuentenan, pero mi kier a hala atencion. E siman aki dia 24 pa 31 di october, ta e siman internacional yama y crea door di UNESCO riba media y information literacy. Pues con pa trabou den media y fuentenan di informacion haci esey debidamente y nos ta treciendo esaki dilanti awe den e noticia cu nos ta treciendo e diferente punto aki dilanti pasobra prensa ultimamente ta mas interesa pa bay core tras di e eminente abundancia di propaganda pa fin di aña, cu pa cubri e temanan cu realmente ta toca juan bimbo, juana bimba y particularmente esunnan den sector priva, pero mas tambe esunnan den sector publico awo cu aanwijzing no ta bin, cortamento ta bay tin den sector publico.

Serlimar ta bay somenta. E contratistanan chikito cu DOW ta emplea pa haci trabou band’i caminda, gran parti ta bay wordo elimina, si no por completo. Atrobe ta pa prensa y publico y politiconan, parlamentarionan haci nan trabou pa verifica un ke otro. Mi nomber ta Milton Ponson y mi no ta deal cu shisheria ni redo. Ami ta deal cu informacion cu mi ta saca for di fuentenan fidedigno y pa proteha e fuentenan aki mi no ta bay divulga fo’i unda e informacion ta. E unico cos cu mi por constata cu e informacion aki ta veridico.

Pa e relato completo, lesa TREMPAN