Mike Eman: Aruba a perde cinco aña y awe e consecuencianan ta doloroso

Para na e parke solar na parkeerplaats di aeropuerto, lider di fraccion di AVP, mr. Mike Eman, a recorda con Aruba tabata e ehempel na mundo pa loke ta trata innovacion y energia alternativo. Cinco aña despues nos pueblo ta biba e consecuencianan doloroso di e decision di Gabinete Wever-Croes di bandona e rumbo ey.

Eman a record acu tabatin un TNO na Aruba cu tabata cana hunto cu nos riba e rumbo aki, pero na e mesun momento tabata percura pa Aruba cuminsa conoce algo unico pa e pais aki, cual  tabata e exportacion di conocemento. Islanan den Caribe tabata puntra na esunnan di TNO cu tabatin un cantidad di Arubiano tecnico, studia riba terminonan hopi avanza riba nivel academico. Nan tabata bay den exterior for di Aruba, repartiendo conocemento, treciendo entrada pa Aruba a base di un pilar economico nobo.

“Tur esaki rumannan, amigonan, nos a tira afo. Aruba a perde cinco aña. Ni un kilowatt/uur, ni un panel solar e gobierno aki a pone den cinco aña. Imagina bo ora cu e prijs di coriente aki a bin na vigor awo y e recibonan drenta den cas di nos hendenan, con malo nos ta bay sinti, no unincamente pasobra nos no por paga e cuenta, pero paso nos ta bay realisa cu nos a perde cinco aña.

Nos a perde cinco aña di scapa e pueblo di e rumbo negativo aki si nos a cana sin capricho, sin venganza, sin pensamento di polarisacion politico di: pasobra ta AVP nos ta bay para tur e cosnan aki,” asina e lider político a declara.

Pa e relato completo, lesa TREMPAN