Mike de Meza (AVP): Minister Glenbert Croes no a bay cu experto Ecuador

Minister Glenbert Croes a indica cu e ta bay Ecuador pa busca crudo mas barata. E mandatario ta bay c’un delegacion pero den dje no tin experto di WEB pa por conseha riba e crudo aki.

ing. Mike de Meza, parlamentario di AVP, a recorda cu e minister a bay Merca pa reuni cu OFAC riba e posibilidad di busca fuel oil fo’i Venezuela. E ta haya cu esaki ta algo di lamenta pasobra OFAC tabata esun cu a saca den pasado ora CITGO tabatin refineria a saca un licencia general. Aki a bisa cu CITGO no tabatin embargo pa Aruba y e proyecto ey por sigui.

E parlamentario a indica cu e tempo ey e gobernantenan Glenbert Croes y Evelyn Wever-Croes no a tuma e tempo pa bay cerca OFAC y verifica esey, pasobra awe lo tabatin un CITGO, un refineria den operacion. Caminda e prijs di fuel oil lo tabata sumamente mas abou cu locual ta haya aworaki riba mercado internacional mescos cu den pasado ora tabatin refineria den operacion.

NO A BIAHA CU EXPERTO De Meza a mira e delegacion cu e mandatario ta bay cu ne, el a haya un lastima. Esaki ta bin pasobra por mira cu ningun experto den WEB Aruba N.V. no a compaña e minister den e vuelo pa Ecuador. Ora ta sinta eynan, ta negosha y papia, busca un crudo of fuel oil, cu kier pa WEB importa, mester sa kico ta papia tambe. Pero esey no ta e caso. De Meza ta mira e biaha aki, un biaha di gewoon di bay haci conoci pero no ta saca mucho fo’i dje.