News

Miguel Mansur den clash cu Edgard Vrolijk

.tdi_9.td-a-rec{text-align:center}.tdi_9.td-a-rec:not(.td-a-rec-no-translate){transform:translateZ(0)}.tdi_9 .td-element-style{z-index:-1}.tdi_9.td-a-rec-img{text-align:left}.tdi_9.td-a-rec-img img{margin:0 auto 0 0}@media (max-width:767px){.tdi_9.td-a-rec-img{text-align:center}}

Tin un malcontento bou di e fraccion di Accion21 cu e presidente di parlamento pa motibo cu no a  tene debido consulta cu e miembronan di parlamento riba renobacion di e edificio aki. Ta parce cu a manda un draft aden, cu tambe a bay pa “Commissie Huishoudelijke Aangelegenheden”  (CHA) di Parlamento di Aruba.

.tdi_8.td-a-rec{text-align:center}.tdi_8.td-a-rec:not(.td-a-rec-no-translate){transform:translateZ(0)}.tdi_8 .td-element-style{z-index:-1}.tdi_8.td-a-rec-img{text-align:left}.tdi_8.td-a-rec-img img{margin:0 auto 0 0}@media (max-width:767px){.tdi_8.td-a-rec-img{text-align:center}}

Mansur ta sinti cu e consulta ta mucho tiki pa sigura cu e placa cu ta haya pa e renobacion (6.7 miyon) ta wordo debidamente uza. Di otro banda tanto Presidente di Parlamento mr. Edgard Vrolijk como e lider di fraccion di MEP Hendrik Tevreden ta lamenta cu Mansur ta pone den duda e profesionalismo di trahadonan di parlamento. Esaki ta e personanan cu hunto cu e presidente a guia e proyecto pa yega na un draft di e diseño.

“Despues di e presentacion di DOW awe durante CHA nos fraccion a keda preocupa y decepciona den e falta di profesionalismo y desprecio pa placa di pueblo. Kisas ta importante recorda cu Parlamento di Aruba ta existi como e organo mas halto di nos sistema constitucional y su miembronan ta directamente eligi pa representa pueblo.

E instituto y su facilidadnan ta existi pa facilita pueblo su representacion a trabes di miembronan eligi. Griffer ta ser nombra y kita pa parlamento pa administra e instituto. E rol di un voorzitter ta primordialmente pa facilita reunion y funcionamento di e instituto.” Esaki ta un parti di e carta cu Mansur a manda pa e presidente

Mansur a cuestiona den un carta largo cu Parlamento di Aruba ta planea pa cuminsa renobacion sin ningun estudio ariba utilidad di e facilidad y sin nunca a papia cu por lo menos lidernan di fraccion, corda miembronan di personal. El a cuestiona kende ta responsabel pa trek e proyecto aki y para responsabel pa e 6.7 miyon florin cu ta bay gasta, sin consulta cu e profesionalnan responsabel.  

Tambe el a cuestion cu a planea 18 oficina den edificio nobo, siendo cu e necesidad no ta asina grandi, y pa fraktiekamer mes no tin nada mas.  E ta bisa tambe cu a papia di e reparticion na mas cu un ocasion den CHA y loke e ta mira awo no ta adecuado. “Ta presenta un plan cla sin discusion ta mas ehempel di con voorzitter ta purba haci y deshaci sin sigui debido procedura y griffier ta parce di permiti of asisti den loke por wordo categorisa como abuso di poder. Nos ta compronde cu nabega e partidismo cu desafortunadamente ta caracterisa nos politica ta lastig pero esey ta parti di e trabao. E tendencia di keda sin yama reunion di CHA pa voorzitter y/of griffier tuma decision riba nan mes no ta aceptabel y sigur no e direccion cu nos kier mira parlamento desaroya.”

E ta kere cu CHA den su mayoria mester tuma decisionnan tocante e renobacion y verdeling y e mester sosode despues di un estudio a base di combersacion cu miembronan, personal, siguridad etc. E forma di procede anti-democratico y anti-procedura a cuminsa bira structural na parlamento y esey ta preocupante pa su fraccion.

 Edgard Vrolijk, presidente di Parlamento y a manda su contesta por escrito na Mansur, den cual e ta papia di su desapunto pa e forma con e parlamentario ta atende cu e tema aki.

“No ta pasobra no por cumpli cu deseonan personal di un parlamentario y cu e parlamentario no conoce e proceduranan den Parlamento di Aruba, ta duna e parlamentario e autoridad/derecho pa presenta insinuacionnan/acusacionnan infunda, entre otro: no ta sigui procedura, cu e Griffier ta permiti e Voorzitter di haci y deshaci den e proyecto aki y cu Griffier y manager berdrijfsvoering ta tuma decisionnan riba nan mes. Suscrito ta refuta e ponencianan aki categoricamente y ta subraya cu esnan na cual ta wordo referi ta netamente cumpliendo cu palabracionnan haci durante e reunion di CHA di 19 di December 2023 y den servicio di Parlamento.”

E ta bisa tambe cu na final no por tin un decision final sin cu CHA den su funcion di controlado di Griffie der Staten a wordo informa y consulta. E obligacion aki cu Griffie der Staten mester adheri na dje no ta kita for di ningun miembro di CHA e derecho pa na cualkier momento acerca cualkier di esnan encarga cu e proyecto di renobacion pa informa nan mes riba e ultimo desaroyonan.

P’esey e ta “lamenta acusacionnan treci dilanti unda ta insinua cu suscrito lo ta instrui trahadonan di kico pa bisa y/o haci. Suscrito ta desmenti e ponencia aki categoricamente. Presidente di Parlamento semper ta keda informa di desaroyonan. Un voorzitter tin un otro rol cu parlamentario y sigur ta e representante di Parlamento pafo y sigur lo mester ta na altura di tur desaroyo den parlamento. Cualkier decision cu wordo tuma mas ainda di e embergadura aki semper lo wordo tuma den consulta cu CHA muestra di cual tabata e reunion di 6 di februari 2024.”

.tdi_10.td-a-rec{text-align:center}.tdi_10.td-a-rec:not(.td-a-rec-no-translate){transform:translateZ(0)}.tdi_10 .td-element-style{z-index:-1}.tdi_10.td-a-rec-img{text-align:left}.tdi_10.td-a-rec-img img{margin:0 auto 0 0}@media (max-width:767px){.tdi_10.td-a-rec-img{text-align:center}}

Comment

Your email address will not be published. Required fields are marked *