/* custom css */
.tdi_9.td-a-rec{
text-align: center;
}.tdi_9 .td-element-style{
z-index: -1;
}.tdi_9.td-a-rec-img{
text-align: left;
}.tdi_9.td-a-rec-img img{
margin: 0 auto 0 0;
}@media (max-width: 767px) {
.tdi_9.td-a-rec-img {
text-align: center;
}
}
Accion 21 ta presente na e reunion di IPKO unda cu riba e prome dia, esta diamars, a trata varios topico den Eerste Kamer y Tweede Kamer. Compara cu e otro delegacionan, delegacion di Aruba mester haci un miho trabou.
/* custom css */
.tdi_8.td-a-rec{
text-align: center;
}.tdi_8 .td-element-style{
z-index: -1;
}.tdi_8.td-a-rec-img{
text-align: left;
}.tdi_8.td-a-rec-img img{
margin: 0 auto 0 0;
}@media (max-width: 767px) {
.tdi_8.td-a-rec-img {
text-align: center;
}
}
Miguel Mansur, lider di Accion21, a splica cu den Eerste Kamer e presidentenan dje parlamentonan duna un resumen dje situacion di cada pais. Despues e lider di delegacion a haci esey. E delegacion di Aruba no a haci un terug kopeling, cual normalmente ta custumber cu e speech di tanto e presidente di parlamento y lider delegacion ta comparti cu e miembronan. Nan ta representa Aruba y no un partido politico.
Presidente di Parlamento, Edgard Vrolijk, a hiba un argumento completamente politico, ni di coalicion pero di su partido. Mansur ta haya cu esaki ta algo di lamenta, pasobra dialuna nan a bin cu e ponencia cu e parlamentonan di e isla no ta un verlengstuk di e gobiernonan. Pero e dia siguiente ta bin proba esey. Pa nan por representa Aruba miho, nan mester tin credibilidad y ora ta eherce tipo di hipocresia ey, segun Mansur, henter credibilidad di delegacion, parlamento ta poni den cuestion. E biaha aki no ta barata, pasobra parlamento ta pagando 150 mil florin pa diesun parlamentario y un griffier pa bishita y participa den IPKO.
NO A REUNI
E parlamentario ta haya cu nan mester haci miho trabou como Aruba. Di mira e otro delegacionnan ta reuni, busca standpunt, e cantidad di biaha cu delegacion di Aruba a reuni, a repasa con ta bay e ponencia di Aruba tabata cero. E delegacion a reuni un biaha prome cu a bay Hulanda y Mansur ta haya cu esey ta lamentabel. Como miembro di delegacion di Aruba, lider di fraccion Accion21 ta haya cu nan no a haci un bon presentacion.



Loke Vrolijk a trece dilanti no tabata representivo dje mayoria di delegacion. El a puntra lider di fraccion RAIZ, Misha Raymond, si el a mira e speech y si coalicion a aproba esey. Aki Raymond a bis’e di no a mira e speech di Vrolijk ni Shailiny Tromp-Lee, lider di delegacion.
E ta haya cu Shailiny Tromp-Lee si a trece punto di bista di delegacion. El a incorpora tur ponencia di e partidonan, di cual Mansur a aplaudi.
Lider di Accion21, a indica cu su persona hunto cu lider di MAS y otro delegado di isla tabata sinta na mesa cu algun miembro di Tweede Kamer durante lunch. Un cos treci dilanti tabata cu e islanan tin tur autoridad of competencia pa set invoerrechten y tur esey. Loke no tin ta un competencia cu por bay negosha un trade deal cu pais bisiña. Miembro di Tweede Kamer a trece padilanti cu na Hulanda tin un minister di Buitenlandse Zaken, pero tambe un minister di Buitenlandse Zaken pa handel, esta pa comercio.
E hendenan di Raad van Staat a puntra si esey e minister ey ta di Hulanda of di Reino, pasobra Buitenlandse Zaken ta un cartera di Reino. Raad van Staat a confirma cu realmente esey ta un minister di Reino, sigur lo ta apropia p’e tin input dje islanan. Loke a sali fo’i e combersacion cu Raad van Staat ta cu e Koninkrijk mes mester bay inverti mas pa asina por saca probecho di dje. Hopi derecho cu e islanan no ta haciendo uzo di dje y Hulanda no ta facilitando nan esey. Mansur ta haya cu esey tabata un bon recordatorio cu a cuminsa diamars atardi.
REPASA RIJKSWETTEN
Despues di esey tabata tin e deelgroep, unda a repasa e Rijkswetten. Den e grupo cu Mansur tabata, nan a trece dilanti cu efectivamente tabata ongeacht riba mesun standpunt, pero e realidad ta cu den tur parlamento no tin un mayoria pa aproba Rijkswetten.
Secretaria di Estado, Alexandra van Huffelen, tambe a bisa cu si no tin interes of no ta mira e necesidad dje reformanan, no tin pakico haci nan. Segun Mansur, un di su puntonan treci padilanti ta cu esey kiermen efectivamente e Rijkswetten ta morto, of sikiera e COHO. E coleganan Hulandes no a compromete esey, pero a compronde cu no tin consensus di e islanan. Consensus a cay afo, asina el a indica.
E tres parlamentonan di Aruba, Corsou y Sint Maarten no ta na fabor di Rijkswetten, e consensus a cay afo. Cualkier nocion di un consensus Rijkswet no ta existi mas. Un di e puntonan cu ainda kier wak incorpora ta tema di medio ambiente y derecho humano, pero finansa tambe ta keda importante.
Un cos cu e parlamentario ta haya, y nan a trece pakico e problemanan ta. E realidad ta unabes tin e combersacionnan entre Hulanda y e islanan, tin un combersacion cu tin hopi emocion den dje. Aunke gusta of no tin un legado di colonisado y e colonianan.
Esey ta, por ehempel, “mi no ta keda sigui negociando n’e mesun puntonan por ehempel cu IMF of World Bank lo trece e emocionnan aden”, el a indica. Segun Mansur, mañan nan lo trata colonialismo y legado di sclavitud n’e islanan. E ta kere cu esey ta un proceso di saneamento cu por tuma hopi luga, por tuma hopi progreso pa bin di esey. Efectivamente Mansur ta kere cu nan ta bay caba ta renegosha hopi dje puntonan. “E cambionan cu ta na fabor di nos isla mester bini. Esey ta mi preocupacion como Accion21”, el a indica. E no por a mira nada den landspakket cu no ta na fabor di Aruba. E parlamentario no kier p’e gobiernonan di e islanan keda sin haci e reformanan, pasobra nan no ta politicamente conveniente pa nan. Tin di busca un manera cu e reformanan ta pasa, pasobra nan ta na interes di pueblo, mientras ta mantene autonomia, mientras ta saca e miho deal pa Aruba. Ta na Hulanda como delegacion di Aruba y Mansur su trabou ta pa busca e miho deal pa Aruba sea den refinanciamento di e debenan via Hulanda, cual parce tin apertura p’esey. Obviamente esey lo tin condicion, pero via IMF tambe. El a haya cu e combersacionnan tabata hopi franco y a bay positivo.
/* custom css */
.tdi_10.td-a-rec{
text-align: center;
}.tdi_10 .td-element-style{
z-index: -1;
}.tdi_10.td-a-rec-img{
text-align: left;
}.tdi_10.td-a-rec-img img{
margin: 0 auto 0 0;
}@media (max-width: 767px) {
.tdi_10.td-a-rec-img {
text-align: center;
}
}
Comment