Miguel Mansur (Accion 21): Varios parlamentario di MEP ta busca pa “fix” nan mes

Aworaki ta drentando pa trata e presupuesto. Segun Mansur, por a mira un parlamento ta bezig ta fix su mes. Si mira e parlamentarionan di MEP por ehempel Shailiny Tromp-Lee aparentemente kier bira director di Departamento di Cultura.

Parlamentario Edgard Vrolijk tambe kier sali fo’i politica y aparentemente el a solicita pa bira director di Inspectie Onderwijs, mirando cu e director actual lo retira. Aparentemente el a laga sa cu e trabao di dje. Ta sigur cu Tevreden tambe kier un directeurschap, pero MEP tin custumber di pasa riba dje.

No sa ki dia e pober director di CBS ta baha, pasobra Setty tambe lo tin bista rib’esey. Asina esaki ta funciona. Ta sirbi den partido, ta parlamentario y ta haya un directeurschap den gobierno, independientemente si ta cualifica p’e of no.

P’esey por sosode, DRH mester ta complice. Recientemente tabatin prome minister y e director di DRH den parlamento y Mansur a trece dilanti e problema cu tin den e sistema. Si un director di un departamento di gobierno tin un issue, DRH ta investig’e. Pero ora ta toca e director di DRH, no tin hende pa investig’e.

Ta prome minister mester haci esaki. Pero e prome minister mester di e director di DRH pa ta complice pa su nombracionnan politico, pa fix su parlamentarionan pone nan den un directeurschap.

Pa mas detaye lesa TREMPAN.