Michel Berry elehí Presidente

Durante e reunion general anual (Algemene Leden Vergadering ALV) di Partido Alternativa Real (PAR)  a trata relato finansiero pa aña 2021 i presupuesto pa 2023 i tambe a skohe miembronan di Direktiva nobo  ku ta Kimberly Ascencion, Ana-Maria Pauletta i Luigi Faneyte ku lo remplasá e miembronan saliente Michael Samsom i Tszming NG.

Miembresia a elegí tambe un Presidente nobo di PAR kual ta Dr. Michel Berry.

Na mart último Eugene Rhuggenaath a tuma e presidensia di Sr Rach ku meta pa ku sostené lider polítiko nobo di PAR, Quincy Girigorie i pone plannan di akshon di PAR den ehekushon.

E Presidente i Direktiva nobo lo tin meta primordial di sostené e lider den su vishon pa ku partido i pa Kòrsou, prepará programa desaroyo duradero di nos pais i nos hendenan i enkaminá proseso pa prepará pa e siguiente elekshon.

Direktiva tin un término di 2 aña i direktiva ta konsistí di lider polítiko Quincy Girigorie, Presidente Michel Berry, Vicevoorzitter Shaheen Elhage, Sekretario Kamir Lopez, Penningmeester Gunnar Louisa,  i miembro Steven Croes. E miembronan elegí ayera durante ALV lo reforsá e Direktiva den diferente ròl.

————————————————————————————————————————

Athunto un potrèt di e direktiva nobo huntu ku lider polítiko Quincy Girigorie.