MetaCorp cu bunita gesto: Alumno contento cu nan carchi pa bay wak monster truck

Varios compania a haci donacion den forma di carchi p’e alumnonan bay mira monster truck. MetaCorp no a keda atras.

Eddie de Veer, CEO di MetaCorp, a splica cu nan tabata bezig ta mira e desaroyo di e monster trucknan. Varios compania a haci donacion na diferente scol.

MetaCorp a tuma atencion di dos scol en particular. Un di nan a haci peticion pa carchi, via Facebook. E muchanan ta bin di Centro di Bario Brazil, na un kleuterschool, den e caso aki Tarcisius Kleuterschool y a indica cu pa nan yega na carchi, esaki lo a ta bira hopi dificil.

MetaCorp a sorprende nan diaranson mainta, ora cu a sopresa 100 mucha cu nan entrada pa bay mira e show aki. Como cu San Nicolas tin scol cu no a logra haya carchi, MetaCorp a haci un obsekio mas, e biaha aki di 150 carchi mas, na e alumnonan di Colegio Santa Teresita, pa asina nan tambe por bay mira monster truck diadomingo awo.

E scolnan no tabata sa cu gerencia di MetaCorp tabata bin. Nan a scucha cu tin diferente scol of instancia a logra. E scolnan en particular aki, esta Tarcisius Kleuterschool y Colegio Santa Teresita, t’e dosnan cu a logra resalta y capta nan atencion pa asina yuda haci nos muchanan extremadamente feliz cu e sopresa aki..

A tuma contacto cu e organisadonan y a logra haya carchi pa por facilita nan pa nan por bay presencia e show di monster truck, De Veer a bisa por ultimo.