Mester di ayudo pa manda Norbert Leijdsman busca su salud na Hulanda

E famia di Norbert Leijdsman tin basta tempo ta buscando ayudo p’e hoben, kende ta sufri di diabetes tipo 1 y di un ke otro deshabilidad. Y pueblo a responde door di a haci varios donacion. Pero esey no ta suficiente p’e por busca su salud na Hulanda.

Segun tata di criansa di Norbert, Norwin Leito, a haci un peticion na comunidad di Aruba y/of comercio pa duna un man, p’e situacion di salud di cu Norbert tin.

El a sigui splica cu pueblo a mustra di ta hopi solidario p’e situacion. E famia a pidi un permiso na Cuerpo Policial, cual lo vence dia 30 di april y a para algun dia. Pero e no ta facil, segun Leito, contando e solo, e humiliacion. Asina mes pueblo a mustra su sosten pa loke ta trata di su aporte.

Si ta trata di un suma di 9 pa 10 mil florin, cada persona ta duna loke e tin y loke e por di su curason. Si ta trata di 50 cen of 1 florin. Tin ora 5 cen, cu esaki ta trata na yuda. Pero falta asina tanto y e dia cu Norbert tin cu bay ta acercando. E tin cu bay dia 15 di mei Hulanda y e anhelo, deseo y obligacion como mayor ta pa gui’e den e proceso aki cu t’asina dificil.

P’esey, un biaha mas ta haci un peticion na 24ora.com y TREMPAN, mirando cu ta dispuesto pa yuda anytime y tin un audiencia grandi di siguido. P’esey mes e mayornan tin fe den Dios cu, haciendo uzo di nan, mas hende por tende di e problema aki y duna un man door di deposita riba nan cuenta di banco of yuda ora cu mira nan dilanti Renaissance Hotel na Playa.

Nan tin un tipo di spaarpot unda cu por tira cen den dje loke ta sinti pa tira. Pa mas informacion y tambe pa haci donacion semper por yama na telefon 5644857 of tambe por deposita riba cuenta di Norwin Leito na RBC Acct# 7700000100050396.

DONACION RICIBI

Te aworaki no a sinta conta precies cuanto placa nan a haya como donacion. Pero a cumpra spaarpot y dado momento ora cu esaki a yena cu florin, ta pone nan hunto. Segun Leito, mirando e suma bruto, e por yega 750 of 800 florin.

Norbert mester sin cosnan. E tin mester di su cuminda special. Ta uza parti di loke a recolecta pa Norbert. E ta sinti cu ta estaf’e, cual no ta cuadra y prome cu yega asina leu, Leito a indica di esunnan cu di un manera of otro cu ta obstaculisa e mayornan, e ta laga tur pa Dios. Ta Dios mes lo bringa cu e opositornan. Tin papia cu e mayornan ta colecta pa nan bebe. Semper ta haya confronta cu calumnia, ta enfrenta cu hende. Vooral pieu den e mesun cabes ta pica mas duro pasobra ta trata aki di hende cu ta hopi yega n’e famia aki mes di ambos banda cu ta calumnia y papia co’i loco.

Leito no ta ni reacciona y contesta nada. Si e ta bisa cu na momento cu topa, cu no tin ningun obligacion pa yuda, pero si no por yuda djis keda keto.