Mervin Wyatt-Ras: Reunion riba TPEF cu Minister Oduber no tabata serio

Dialuna mainta tabatin un reunion den Parlamento caminda a trata e cambio di ley relaciona cu fondonan cu Gabinete Wever-Croes II a tuma for di e Tourism Product Enhancement Fund (TPEF) pa duna otro uzo. Na final di e reunion, drs. Mervin Wyatt-Ras, parlamentario di AVP a trece dilanti e echo cu un biaha mas fraccionnan den coalicion a duna aprobacion na malmaneho di gobierno.

Drs. Wyatt-Ras a splica cu ta trata di un ley cu efecto retroactivo pa cual cu ta placa cu ya a saca caba y cu mester a responsabilisa p’e mas trempan. Esey ta basa riba articulo 40 inciso 2 di e  Comptabiliteitsverordening cu ta indica cu parlamento mester duna un poder pa gobierno por haci uzo di e placanan aki. “Esey no a tuma luga y aworaki nos ta bin y e ora e minister mester ta responsabel pa locual cu ta pasa,” e parlamentario a declara.

Tambe ta a base di articulo 31 inciso 2 di e mesun Comptabiliteitsverordening cu awo ta haya cu e diferente miembronan di oposicion tur a elogia gobierno, na luga di ta critico pa cu nan gobierno y esey ta algo cu nos a expresa nos preocupacion pasobra Raad van Advies, den su conseho, ta bisa tambe pa ni a manda e ley parlamento. 

Esey ta un conseho devastador y toch ta pusha esaki y ta jammer pasobra cu ta trata di placa di pueblo y na momento cu AVP a pidi tambe pa haya diferente documento, por ehempel di entradanan y gastonan, e salidanan, dus debenan cu tin pa por haya un bista di esey, gobierno a nenga. Drs. Mervin Wyatt-Ras ta haya lamentabel pasobra cu ta AVP a lanta e fondo aki.

Pa e relato completo, lesa edicion di TREMPAN