Mervin Wyatt-Ras (AVP): E gobierno aki no tin sector social na pecho

Nos enseñansa mester hopi mas atencion, segun parlamentario di Partido di Pueblo Arubano (AVP), drs. Mervin Wyatt-Ras. Pa e motibo ey el a manda cierto pregunta pa Minister Presidente den luna di augustus encuanto e reaccion cu tabatin di parti di Arubahuis pa studiantenan cu ta bay studia na Hulanda no bin pasobra cu no tin camber pa nan. Riba esaki, e prome mandatario a contesta y el a bay den prensa tambe bisa cu e si tin atencion pa e studiante.

Sinembargo, parlamentario Wyatt-Ras ta haya cu na momento cu un gobierno ta manda bisa studiantenan, pa medio di e director interino di Arubahuis, pa no bin Hulanda pa bay studia, bo ta limita esunnan cu no tin un camber; anto esey ta hopi lamentabel. “El a contesta mi diferente contesta, sinembargo mi ta kere ta keda e echo cu nos studiantenan tin e derecho di, ora nan dicidi cu nan ta bay studia, cu ta duna nan tur atencion y cu Arubahuis tin e tarea tambe pa yuda e studiantenan.”

Recientemente un fundacion local cu ta percura pa cuminda, a duna di conoce cu di e 500 mucha cu nan ta duna pan, a crece bira 800 y tin 300 mucha cu no por haya pan mas na scol y esaki ta un situacion dificil. Mientras, nos tin un crisis plan cu a priminti shelo y tera.

Pa e relato completo, lesa TREMPAN