Merca no tin pasenshi infinito den e reanudacion di combersacion riba Venezuela

Un funcionario di e Departamento di Estado di Merca a pone presion diahuebs rib’e presidente di Venezuela, Nicolas Maduro, den un audiencia den Congreso, menasando cu mas sancion si no reanuda e combersacionnan cu oposicion pa resolve e crisis politico largo y economico di e pais, segun un relato den Reuters.

E combersacionnan entre Maduro y lider di oposicion, Juan Guaido, a tuma luga ultimo biaha den Ciudad di Mexico aña pasa, pero cu poco resultado.

E gobierno di Bidon ta reconoce Guaido como presidente legitimo di Venezuela, despues di a rechasa e reeleccion di Maduro na 2018 como un farsa. Maduro, un socialista, ta sigui na poder den e nacion di OPEP, a pesar di e sancionnan duro di Merca a pone riba su industria petrolero.

“Nicolas Maduro (…) ta cometiendo un eror critico si e pensa cu nos pasenshi ta infinito y cu e tacticanan dilatorio lo sirbi,” Brian Nichols, secretario di Estado adhunto pa Asunto di Hemisferio Occidental.

“Nos ta prepara pa bolbe pone sancion y cla pa tuma medida integral,” si e combersacionnan no renoba y avansa, Nichols a bisa n’e Comision di Relacion Exterior di Senado.

Senador Bob Menendez, democrata y presidente di e comision, a bisa cu Venezuela ta sink mas den e crisis, cu un trafico di droga y un corupcion sin stop, mientras ta tarda cu e renobacion di e combersacionnan.

“Te unda ami por discerni, Maduro no a haci ningun concesion significativo o paso concreto pa resolve e negociacionnan den e Ciudad di Mexico,” el a bisa.

“Den e interim, a converti e nacion den un narcoestado, construyendo su patrimonio nacional y nada no ta pasa,” Menendez a agrega.

Mientrastanto, e sancionnan di Merca n’e petroleo Venezolano ta manera un “colado’ y pais manera Turkia, Rusia y China ta sortia “impunemente’.

Nichols a bisa cu e administracion lo uza e sancionnan y e aplicacion di ley y lo traha cu e socionan di rond mundo pa sigura cu e regimen no tin acceso n’e activonan cu actualmente ta gevries bao sancion di Merca.

Nichols, cu a biaha pa Mexico e siman aki, a bisa cu e y cu e otro diplomaticonan Mericano y ‘aliado clave’ tabatin un reunion riba Venezuela diaranson y cu Merca tambe ta den contacto estrecho cu Maduro y e gobierno di oposicion.