MEP: Aruba lo tin beneficio cu un representante den Tweede Kamer

Recientemente a subi riba mercado e buki ‘Ongemak’, skirbi door di Professor Gert Oostindie y Wouter Veenendaal, emeritus hoogleraar na Universidad di Leiden y Universitair Hoofdocente na Universidad di Leiden.

Un buki den cual ta trata henter e historia di e islanan y e Relacion den Reino, for di e temponan colonial te cu awendia. Segun ambos profesor, e islanan cu Hulanda ta pertenece na otro. Pero nan ta haya cu tin un falta di democracia den e relacionnan. Por ehempel, tin falta di democracia, ya cu no tin un parlamento di Reino, pero mas bien Parlamento di Hulanda ta fungi como Parlamento di Reino. Pa e dos expertonan aki, lo ta ideal pa tin un parlamento di Reino y pa cada isla tin un representante den esaki.

Pero pregunta ta keda si tin willpower pa cambia esaki, ya cu lo trata di cambionan legislativo. Riba e ponencia aki, parlamentario di MEP, Hendrik Tevreden a indica cu mester purba na compronde kico ta e pensamento tras di esaki. Den pasado partido AVP a purba di trata un punto asina aki, pa haya participacion. Mirando e pasado di Antias (y Aruba) tin cu Hulanda, semper tin e duda, si e pasonan cu ta bay tuma lo ta na beneficio di e pais pa futuro.

Tevreden ta di acuerdo cu e ponencia aki, pero  mester busca mas participacion, ya cu ora cu bo bos resona den Tweede Kamer, nan lo tene consideracion cu e pueblo mas lihe si bo ta eyden, en bes di ta na miles di kilometer leu. Si mester tin mas participacion den e decisionnan tuma na Hulanda pa por splica e banda di medaya y pa por haya miho comprension posibel.

Ta interesante pa sa cu ta debati riba e forma con por ta mas pareu den tumamento di decision den Reino, unda cu hopi biaha ta sinti cu Hulanda ta impone su decisionnan tuma riba e pueblo. Casi tur partido na Aruba a sintie. AVP a sintie na 2014 y actualmente MEP tambe ta sintie, cu e COHO, unda cu por sinta na mesa pa haya mas cooperacion, unda cu por traha mas cu otro enbes di kibra otro.

Durante e charla a haya un presentacion di colonialismo, pero e partinan ta relata na e relacionnan, unda cu Aruba ta hinca den un Reino, pero e proporcionnan ta diferente. Hopi biaha ta fastioso pa tuma decision pa un otro y toch sinti cu e decisionnan tuma ta tene cuenta cu e otronan.  

Den e dos IPKOnan por wak cu tin espacio pa mehoracion. Ora cu sali for di Aruba, no ta representa un color politico, segun Alvin Molina, parlamentario di MEP.

E ta di opinion cu prome cu IPKO lo por reuni mas cu otro, via zoom, pa asina yega mas cerca di otro pa cu opinion di otro. Pero tambe pa describi un vision udna cu yega como Caribe y como pais Aruba. Si tin miho preparacion, lo por yega na un IPKO mas fuerte como un unidad Caribe unda cu por convence e coleganan di Hulanda pa para banda di Aruba y e otro islanan.