Massive Brassband International a logra y ta sali rumbo pa Magic Kingdom 

Pa por duna un presentacion den e famoso parada di fantasia Magic Kingdom, Disney World, cu ta un soño di Roderich Lopez doño di Massive Brassband int., a acudi na diferente instancia y finalmente e soño a concretisa.

Lopez tambe ta director musical di e brasssband y School di Asambeho Roderich Lopez. Roderich tin excactamente 38 aña den e mundo di brassband y di mucha e la hiba e pensamento cu un dia e lo kier toca den Disney. 

A hiba hopi trabou y sacrificio pero despues di mas cu 18 aña trahando pa logra e proyecto aki ta mira su fruto y ta cla pa bay pa e reto aki. Dia 5 di Augustus 2022, nan lo ta presentando. 

Na prome instante mester a biaha na maart pero mester a keda Aruba como cu nan tabata 32 musico. En conexion cu e 50 aniversario di Disney a bin cu un peticion cu nan lo mester ta minimo un grupo di 50 musico participante. Esey a haci cu nan mester a train di nobo cu e integrantenan nobo. Un total di 60 musico.

Roderich tin e dicha cu e academy como brassband na Aruba y di Aruba a logra bay diferente biaha representa Aruba Internationalmente. A acerca Didi pa forma parti di e proyecto aki y tambe John Hessen a bin aden, cu ta un pilar grandi den e mundo di scouting pero alabes cu un trayectoria largo den brassband aki na Aruba den tempo di Gloria di Asambeho.

Roderich a puntra algun hende mas pero nan tempo priva ta hacie dificil pa compromete nan mes na algo asina importante. Roderich a presenta na massive brassband e idea y nan a cuminsa train pisa pa e toca aki den Magic Kingdom den e Pre Fantasy Parade. Sin duda ta di 2 biaha e team a cuminsa cu training diciplinario cu ta bay haci casi 3 aña den preparacion pa cu esaki, cual ta exihi hopi tempo dedicacion y diciplina. Roderich ta hopi contento pasobra su team cu 8 aña pasa el a lanta, a logra asina hopi den poco tempo, alabes sali brassband di e aña un biaha mas pa cu Aruba su carnaval y e apoyo cu a ricibi di Aruba ta grandi.

Ta sumamente contento cu ta yegando e dianan pa porfin logra un soño y cu ta alanes awo un soño di full un team cu su leadernan caminda nan mes no lo toca pero lo bay carga nos bandera dilanti e brassband den e parada. Bandera di Aruba riba 5 di augustus lo luci en grande y ta spera cu esaki trece bek loke un dia tabata super grandi aki na Aruba, cu ta nos musica di Aruba mes crea akinan, cu ta Asambeho.

Un ritmo crea pa, Alfonso Gibbs, Arnlod beyde, Samuel Hodge, cu nunca nos mag di lubida caminda cu e 3 authornan aki, un dia a trece na su atencion na edad di 5 aña. Tras di e logro

aki tin mas cos cu pronto lo trece pa pueblo. Pa asina tur hende haña sa e trayectoria cu nos hobennan a biba na Disney. Cu e logro aki mas porta ta habri pa Aruba