Marvelous Queens Showcase 2022

 

Djasabra awor Marvelous Production ta bai ranka sali ku su evento di Marvelous Queens Showcase. Durante di e evento aki públiko i prensa lo haña oportunidat pa sera konosí ku nos partisipante nan di e 4 kategoria nan kual ta Baby Miss Curaçao, Mini Miss Curaçao, Little Miss Curaçao i Miss Pre-Teen Curaçao 2022.

Lo bai tin tres presentashon. Den e dos promé presentashon nan e partisipante nan lo modela diferente asesorio di Kriss Kross i Balanis kaminda lo premia e Best Promotional Runway Model basá riba e manera ku e partisipante a promove su produkto riba esenario. I den e di tres presenshon e partisipante nan lo modela den nan shimis di cocktail i hurado lo husga e mihó diseño i tambe e kabei/peinado mas bunita.