Marisol Lopez-Tromp (MAS): Si Gobierno aproba Rijkswet no lo mester mas di CAft

Cada biaha e consehonan tabata drenta, di e 13 consehonan cu CAft a duna, Gobierno di Aruba a cumpli cu un so. Y despues di COVID-19, cu tur cos a normalisa bek, Gobierno no a duna bek loke el a reten’e for di e empleadonan publico.

Miembro di Parlamento pa partido MAS, drs. Marisol Lopez-Tromp, pa loke t’e Rijkswet den parlamento tin difrente opinion riba dje. Den su transcurso di añanan, por a constata cu Aruba mester un entidad pa Aruba, structuralmente, mester un entidad pa yud’e yega na su metanan. Pero e Rijkswet, si Gobierno di Aruba aproba esaki, lo no mester di CAft mas, ya cu Hulanda a tuma over.

Gobierno di Aruba ta papia cu a cobra belasting atrasa pa yega na e palabracionnan cu Hulanda, cu esaki lo sigui te cu fin di aña y cu tempo lo adapta esaki. Pero Staatssecretaris, Alexandra van Huffelen, ora el a sali for di RMR, a bisa cu pa 2022 no tin Aanwijzing, tabata tin algun meevaller. Loke hopi hende no a compronde, ta cu e ultimo frase di Van Huffelen tabata ta cu lo bay traha pa cumpli cu e Rijkswet.

Rijkswet, segun e parlamentario, ta algo cu den parlamento tin diferente opinion ariba dje, y na final pa MAS, nan ta opinion cu Aruba mester un entidad pa por percura pa structuralmente cumpli pa Aruba yuda su metanan. 

Aruba su situacion di Aruba ta asina malo, cu el a yega casi na un aanwijzing. Parlamento lo bay trata un presupuesto cu no ta realistico y lo kier pa Raad van Advies y CAft duna na opinion riba dje, pero minister president y minister di finansas, a nenga di haci esaki. Esaki ta door di tur e problemanan cu tabata tin. 

Pa partido MAS, e no ta cumpli pa entrega un presupuesto realistico y parlamento mester por controla esaki. 

Durante di IPKO, un delegado di partido MEP, a haya un pregunta di kico parlamento ta haci pa controla gobierno, cual segun Lopez-Tromp, e contesta di e delegado no tabata esun indica pa contesta e pregunta haci den Eerste Kamer. 

Di parti oposicion, nan a pidi varios reunion den parlamento, pero nan no ta haya oido di parti di e Presidente di Parlamento, segun drs. Marisol Lopez-Tromp.