Marisol Lopez-Tromp (MAS): Prespuesto di DOW ta sin vision y coherencia

Diahuebs ultimo a tuma luga den Parlamento di Aruba un reunion publico pa trata e presupuesto di Departamento di Obranan Publico (DOW) pa aña 2022. Durante e tratamento, fraccion di partido di oposicion, MAS, a trece diferente punto di preocupacion dilanti pa e minister encarga, mr. Evelyn Wever-Croes contesta.

E prome punto ta uno bon conoci pa algun tempo. Ta trata di e maneho pa cu ATV/UTV den area natural proteha. For di aña pasa tin un proposicion cerca diferente departamento, sinembargo te cu awe nada ta ehecuta. E motibo pakico Lopez-Tromp ta trece esaki dilanti, ta paso diariamente por wak den trafico e vehiculonan aki coriendo riba caminda publico.

“Aruba ta e unico pais na mundo cu ta permiti esey, a pesar di tur riesgo cu ta trece pa siguridad, pero tambe e kiebro di naturalesa, flora y fauna den area cu mester ta proteha y pa tin menos accidente, cu awendia ta casi tur dia. Aunke no ta papia riba esey, e tin su consecuencianan sea pa turista of pa localnan,” asina e parlamentario di MAS a indica.

Otro pregunta cu drs. Marisol Lopez-Tromp a haci, ta cu tin 0 florin poni pa careteranan debi cu mester corta den e parti aki. Sinembargo ta keda importante pa DOW keda haci mantencion. Berdad e suma cu tabata tin antes y tabata miyones no tin awendia mas. Tempo cu a lanta e fondo di tabatin mas cu 15 miyon 10 miyon. Nos ta wak cu ya e suma ta practicamente casi nada debi na e cortamentonan cu a tuma luga.

Pa e relato completo, lesa TREMPAN