Marco Berlis (MEP): No por sigui baha di nivel den wowo di Merca

Diaranson 12 di october tabata celebracion di Dia di Rasa/Descubrimento di America/Resistencia Indigena, a programa den Parlamento di Aruba un Openbare Bijeenkomst (OB) hunto cu Prome Minister Evelyn Wever-Croes y Minister di Husticia y Asunto Social, Rocco Tjon pa obtene e informacion mas reciente tocante un posibel reapertura di frontera cu Venezuela.

Den su oportunidad pa haci pregunta, parlamentario di fraccion MEP, Marcos Berlis kier a sa specificamente kico ta bay haci despues cu gobierno Mericano a baha Aruba di nivel pa loke ta trata esfuersonan pa combati trafico/trata humano (mensenhandel/smokkel).

Nos tabata entre “e mihonan y awo nos ta na e di dos categoria cu e peliger di baha na e di tres. Esey no ta bon pasobra nos tin turismo como principal pilar economico. Si nan tende cu nos ta un pais cu ta den e di tres nivel, na luga di esun miho, esaki por afecta nos grandamente,” asina e parlamentario a expresa.

E ta di opinion cu ora e Venezolanonan bin, bo mester atende cu nan cu bo kier of no pasobra tratado internacional ta exigi esey for di gobierno. E ta representa si un gasto enorme pasobra si e persona ta sufri un accidente of bira malo, gobierno mester carga cu su gastonan medico. Asina tin diferente punto cu “mester tene cuenta cu ne pa tin siguridad y pa e hendenan aki wordo trata corectamente; e procesonan bay corectamente,” asina Berlis a finalisa bisando.

Pa e relato completo, lesa edicion di TREMPAN