News

Mama preocupa ta busca ayudo pa su yiu haya tratamento

.tdi_9.td-a-rec{text-align:center}.tdi_9.td-a-rec:not(.td-a-rec-no-translate){transform:translateZ(0)}.tdi_9 .td-element-style{z-index:-1}.tdi_9.td-a-rec-img{text-align:left}.tdi_9.td-a-rec-img
img{margin:0
auto 0 0}@media (max-width:767px){.tdi_9.td-a-rec-img{text-align:center}}

Ileana Naar ta mama di un yiu homber Axel Naar cu tin problema cu su salud mental, den e caso aki schizofrenia.

.tdi_8.td-a-rec{text-align:center}.tdi_8.td-a-rec:not(.td-a-rec-no-translate){transform:translateZ(0)}.tdi_8 .td-element-style{z-index:-1}.tdi_8.td-a-rec-img{text-align:left}.tdi_8.td-a-rec-img
img{margin:0
auto 0 0}@media (max-width:767px){.tdi_8.td-a-rec-img{text-align:center}}

Ileana a conta cu pa hopi aña el a busca ayudo aki na Aruba mes, te cu porfin a logra pa el a bay Colombia, unda cu el a bay e Instituto Con Animos.  Pero e aña aki, despues di 7 aña, Gobierno a dicidi cu ta trec’e bek Aruba y a intern’e den Stichting Eliezer.

Axel ta un pashent cu ta sufri di schizofrenia y mester di guia y ayudo constantemente. Ileana, cu ta mama di Axel a conta cu semper su yiu mester ta bou di monitoring na tur momento. Ora cu e no ta haya tratamento, su yiu ta cambia por completo y ta bira agresivo. E ta cuminsa pleita of bringa cu bisiña, ta ataca su mama y e agresividad ey ta algo cu Axel mes no tin control riba dje. Tin varios rapport di polis traha riba su yiu, prensa mes a bin cubri e caso na mas di un ocasion. Y como mama, e ta wak cu sin tratamento, ta atras so su yiu ta keda bay. Y como mama, esey ta causa di preocupacion grandi, ya cu e no ta wak solucion pa e problema cu su yiu tin. Mas aleu, e mama a conta tambe cu mester interna su yiu den un luga cu ta adecuado p’e.  Loke e no kier pa sosode cu nan intern’e den un luga unda cu e no ta haya e tratamento cu e mester pa e ta ok.  Te cu diamars anochi e tabata na Fundacion Eliezer y awo e sperando kico ta bay sosode.

Axel Naar a bisa cu tempo e tabata na Colombia, e tabata bon. Pero ora cu nan a trece bek pa Aruba, nan a hinc’e den Stichting Eliezer di Gino Frans. Pero na e luga ey, e no a haya un bon trato. “nan tabata kier a dal mi, pero ami no ta laga niun hende bin dal mi.” Ora cu e tabata haya ayudo, e tabata sinti cu e tabata sinti cu e tabata bayendo miho.

E kier sa unda e tin di bay. Pero un cos cu e sa sigur, ta cu na Stichting Eliezer e no ta bay mas. Tin un otro pashent, cu tin dos aña n’e luga, su terapia ta consisti di limpia sushi di burico.

Loke e mama kier ta pa hiba su yiu un luga unda cu e por haya un tratamento cu lo por yud’e den su problema cu e tin. El a tuma contacto cu Gino Frans di Stichting Eliezer cu a bis’e cu nan a tuma contacto cu e Crisis Team instala pa Minister Rocco Tjon, pero niun hende no a bin cerca dje. Informacion cu el a ricibi despues ta cu, asina pasa 10:00pm, niun hende ta bin mas. Nan a keda di bin busc’e pa hib’e Respaldo, pa e wordo tuma pa observacion. 

Si e no haya ayudo, e lo tuma contacto bek cu Minister Rocco Tjon y tambe e caseworker di su yiu, Maritza Ordoñez.  Su yiu no por keda asina!

.tdi_10.td-a-rec{text-align:center}.tdi_10.td-a-rec:not(.td-a-rec-no-translate){transform:translateZ(0)}.tdi_10 .td-element-style{z-index:-1}.tdi_10.td-a-rec-img{text-align:left}.tdi_10.td-a-rec-img
img{margin:0
auto 0 0}@media (max-width:767px){.tdi_10.td-a-rec-img{text-align:center}}

Comment

Your email address will not be published. Required fields are marked *