Malik Hoveling a logra medaya di brons den IQ foil South America

IQ foiler Malik Hoveling, ARU-31 a logra un solido segundo lugar den e evento completo, esta e campeonato IQ foil South America cu bataya contra Mateus Isaac (posiciona number 3 di mundo) y e Argentino ex-RSXer, Francisco Saubidet (Medalista Olimpico hoben y participante di e weganan Olimpico Tokyo 2022).

Cu situacion di biento menos faborable na Armação de Búzios, Brazil, e tabata un combinacion di nabega strategicamente y tuma e riesgo n’e momento corecto.

E ultimo dia di careda tabata tin bataya real cu resultado hopi cerca ya cu Malik a bringa incansabel pa keda posiciona na segundo luga, pero na final esaki, c’un diferencia minimo di punctuacion, a bay pa Argentina y di tres luga pa Aruba. P’e weganan otro luna na Odesur,  ambos atleta (Malik y Francisco) lo representa nan isla/pais.

Den e mesun fin di siman Ethan Westera y Tom de Vries a atende e World Sailing Test event na Den Haag como un evento di training na caminda pa e Olympic Qualifier otro aña. E condicionnan di biento tabata no faborabel cual a resulta den solamente 2 dia di careda despues di full un siman di training intensivo cu biento perfecto y resultado hopi favorabel!

IQ foil team Aruba n’e momento aki ta na caminda pa Paris cu chens hopi grandi pa cualifica directo p’e weganan Olimpico. Den e di dos parti di e aña aki lo ta super druk cu competencia importante pa cualificacion di e weganan Olimpico y evento importante na Latino America.  

Otro luna, nan lo ta Odesur Games na Paraguay como tambe nan lo asisti e World Championships cu lo tuma luga na Brest, Francia. Pa saca mayor probecho p’e isla di Aruba, e atletanan lo ta presente na ambos banda di ocean. 

Pa luna di november IQ foil team Aruba lo tin nan simannan di training na Aruba mescos cu ta tuma luga e ultimo 2 añanan hunto cu e Dutch IQ foil team (hunto cu medayista Olimpico Kiran Badloe) y como tambe e team Noruechi. 

E IQ winter training ta haya mas atencion den e mundo di IQ y mas e interes ta p’e otro participantenan di rond mundo bishita nos isla cu e condicionnan di tremendo di biento cu nos isla tin y cual ta un promocion perfecto pa Aruba.