Maldicion di generacion enemigo di salud mental

Kico ta maldicion di generacion? Esaki ta un habito, capricho of comportacion cu ta pasa di generacion pa generacion. Cuanto aña ta un generacion? Awel un generacion ta 30 aña en general pero tin paisnan den cual e ta conta na 40 aña.

Ki ora maldicion di generacion ta cay riba un hende, ora e persona scoge pa biba den maldad y desobedencia di su antepasadonan, y imita nan den nan maldad, capricho y falta di respet pa Dios.

Tur esaki ta para skirbi den Deuteronomio Capitulo 27 y 28 completo, Romanonan 1;21-32.

Tin hopi malesa cu cientifica mente hende ta acepta y cu ta wordo bisa na hende awel bo tin e malesa aki pasobra ta cos di famia, pero Cristo Hesus tin poder pa cura tur malesa.(Isaias 53:5+6). 

Tene cuenta cu e unico cu por kibra maldicion for di riba bida di un hende ta Cristo Hesus di Nazareth, pasobra cu Su morto e a hiba tur maldicion na e cruz.

Tin hopi hende no kier bandona e bida bieu di nan antepasadonan y nan ta tribi di bisa cu nan ta biba manera nan mayornan a biba . Y nan ta permanece den  inmoralidad, adulterio,idolatria y bruheria, cualnan ta cuna di stress, depresion y malesa mental.

Palabra di Dios ta bisa den 2 Corintionan 5;17: “Pesey si un persona ta den Cristo criatura nobo e ta tur cos bieu a pasa y a wordo haci di nobo.” Romanonan capitulo 8:1 ta bisa: “P’esey awor no tin condenacion pa esnan cu ta den Cristo Hesus.”

Salud mental ta un tema cu awor tur hende kier opina di dje pero poco di nos kier bay na e reis di e asunto, y asina kibra cu maldad y wordo libera.

No ta tur cos cu hende ta acepta ta boluntad di Dios, por ehempel:

Un famia caminda tur e yui muhernan ta hanja yiu ,no ta caba scol, pero ningun no ta casa.

Un Famia caminda e mayornan a divorcia y ningun di e yuinan cu a casa no a keda casa.

Un famia caminda e tata tin yiu afo di matrimonio, y su yiu hombernan a bini ta haci mesun cos.

Un famia mara den alcohol.

Un famia mara den droga.

Hende cu ta pretende cu nan mester kibra un bida matrimonial y asina nan logra nan felicidad.

Un mama cu tin 5 yiu , pero cada uno tin un tata.

Mucha homber jong cu ta cana traha yiu tur caminda, sin por crianan.

Hobennan cu ta lanta den cas mira nan tata ta bringa cu nan mama, y ta haci mesun cos awor den nan matrimonio.

Mucha homber/muher jong cu ta pretende cu e mester tin relacion cu hende casa.

Hobennan cu ta bini for di famia di violador di mucha, y cu a sigi den paso di nan antepasadonan.

Hobennan cu no ta interesa pa  caba scol ni tampoco traha.   

Sensualidad, inmoralidad, perversidad cu nos ta mira ta tuma lugar awendia cual hasta ley ta proteha no ta boluntad di Dios.

Tin hopi cos cu ta wordo tolera, cu ta wordo apoya, cu hende ta tuma como normal, pero cu ta causante di problema di salud mental, pasobra nan curpa kier hiba un bida , cu mentalmente nan no por soporta .

Ningun terapia, tampoco remedi por kibra maldicion di generacion y libra hende di spirito impuro, solamente un bida entrega na Cristo Hesus,por haci esey. 

Si Cristo no cambia bo bida ta ken lo por cambie?

Sinceramente, Pastor Marcel Balootje.