Maira Bergrok: Plac’i onderstand no ta yega pa paga remedi

Riba cierto remedinan lo mester cuminsa paga un asina yama eigen bijdrage. Dokter ta receta pero loke mester paga ta te ora cu yega botica ta haya sa esey.

PAGA PA HAYA REMEDI

Un decision cu sigur no a cay den bon tera cerca e pueblo, sigur no cerca e pensionadonan of esunnan cu ta cobra bijstand. Esaki ta e caso di Maira Bergrok, cu ta bou di tratamento medico pa su problema di rudia, pa cual lo mester opera. Pero tanten e ta haya remedi for di su dokter di cas. Pero cierto remedinan cu ta bebe, dokter a stop un di su remedinan (diplofenac), pa motibo cu e ta dun’e otro complicacion. Pero ora cu su yiu a bay pa busca e remedinan, botica a bis’e cu e lo mester paga un eigen bijdrage pa e haya su remedinan.

Bergrok a manda puntra e minister Dangui Oduber, Glenbert Croes, Rocco Tjon y Prome Minister Evelyn Wever-Croes di unda e lo tin di saca e placa pa paga e eigen bijdrage. For di su bijstand e no por pag’e. Apenas e ta cobra 855 florin, di cual e tin cu paga apartamento, coriente y loke resta cu ne e tin cu come. Segun Bergrok, e gobernantenan ta kere cu e pueblo ta piki placa abou.

 “Dunami un parti di boso salario y mi lo paga pa mi remedinan”, tabata palabranan cu Bergrok a lansa den direccion di e mandatarionan ya menciona.

“Mi no ta mescos cu boso cu ta horta pueblo di Aruba. E pober ta bira mas pober y e riconan ta bira mas rico”.

Pa lesa mas subi TREMPAN.