Lo keha Parlamento di Aruba na Eerste y Tweede Kamer

Parlamentario di oposicion mr. Gerlien Croes a hiba palabra diamars merdia na programa Enfoke caminda el a duna un splicacion amplio riba e acontecimentonan di e siman aki rond di tratamento di presupuesto di Pais Aruba pa aña 2023.

El a remarca con Minister Geoffrey Wever a presenta su proyecto caminda e ta bay drecha final di caya. Esaki a laga Croes recorda tempo cu a drecha caya grandi y oposicion tabata tin problema cu klinkers, a hiba campaña contra klinkers bisando cu hendenan no por come klinkers.

Sinembargo, awor e mesun proyecto cu a laga atras, e mesun rapportnan cu, en todo caso di ex minister Sevinger, ta e rapportnan cu Minister Wever a tuma over. E mesun arkitecto cu a pinta e proyectonan aki, el a tuma den dienst pa sigui drecha caya grandi. “Dus awo si ta bon, pero e tempo aya no tabata bon,” Croes a expresa.

A afirma cu oposicion no ta bay keda keto of sin haci nada. For di diamars mes ta Sali un carta pa gobernador, Eerste y Tweede Kamer, entre otro pa denuncia loke ta pasa den parlamento no ta acceptabel y no ta democratico. E carta aki di oposicion mester apoya e carta cu ya caba a manda Hulanda bisando loke e president di parlamento y e minister president ta haciendo kibrando ley door di manda un presupuesto aden sin conseho di Raad van Advies.

Croes: “Nan a forsa manda e presupuesto pa wordo trata e siman aki pa trat’e pa nan get away cu loke nan kier get away cu ne pa nan laba man y december nan bisa m’a bay vakantie y otro aña januari 1 nos ta wak BBO ta subi cu 1%, pueblo ta paga toch.”

Pa e relato completo, lesa edicion di TREMPAN