News

Leyenda di Major League Baseball Fernando Valenzuela a fayece

.tdi_9.td-a-rec{text-align:center}.tdi_9.td-a-rec:not(.td-a-rec-no-translate){transform:translateZ(0)}.tdi_9 .td-element-style{z-index:-1}.tdi_9.td-a-rec-img{text-align:left}.tdi_9.td-a-rec-img
img{margin:0
auto 0 0}@media (max-width:767px){.tdi_9.td-a-rec-img{text-align:center}}

Tabata falta 10 dia pa Fernando Valenzuela, e legendario ‘Toro di Etchohuaquila’ cumpli 64 aña di edad y solamente un dia prome cu e cumpli 43 aña di su victoria den e Serie Mundial cu Los Angeles dodgers contra New York Yankees como e pitcher robesou estelar di e ekipo di Sur California, y desafortunadamente, diamars anochi a confirma su morto despues di tres siman interna den un hospital.

.tdi_8.td-a-rec{text-align:center}.tdi_8.td-a-rec:not(.td-a-rec-no-translate){transform:translateZ(0)}.tdi_8 .td-element-style{z-index:-1}.tdi_8.td-a-rec-img{text-align:left}.tdi_8.td-a-rec-img
img{margin:0
auto 0 0}@media (max-width:767px){.tdi_8.td-a-rec-img{text-align:center}}

Fernando Valenzuela y e fenomeno di ‘Fernandomania’

Valenzuela a nace dia 1 di november di 1960 den un rancho yama Etchohuaquila, localisa den e municipio di Navojoa na sur di e Estado di Sonora y a bira un leyenda no solamente di rey di deporte na nivel nacional, pero tambe tabata un fenomeno cultural di e comunidad Latino na Merca, ora cu precisamente den su aña como nobato den e e Liganan Mayor (MLB) na 1981 el a genera e inolvidabel ‘Fernandomania’.

Valenzuela a keda toca pa destino, pasobra despues di e lesion 24 ora prome cu e pitcher estelar Jerry Reuss, e manager icono Tommy Lasorda a dun’e e responsabilidad di habri e temporada y el a haci esaki cu un victoria y un wega completo pa duna e triunfo na Dodgers.

Reaccion di MLB riba e fayecimento di Fernando Valenzuela

“Nos ta hopi tristo pa tende di e morto di e ex-gran hungado di Dodgers, Fernando Valenzuela”, MLB a skirbi riba su cuenta di X (antes Twitter). E fenomeno di” Fernandomania ” a podera di baseball na 1981, ora cu e sensacion nobato di 20 aña a cuminsa e temporada c’un record di 8-0 y un era di 0.50. E lansado robesou a culmina e aña increibel aki ganando e premio Rookie of the Year y CY YOung di Liga Nacional, mientras el a yuda Los Angeles conkista e titulo di Serie Mundial.

LOS ANGELES, CALIFORNIA – OCTOBER 09 : Los Angeles Dodgers pitcher Fernando Valenzuela during Los Angeles Dodgers vs St. Louis Cardinals MLB playoff game, October 9, 1985 in Los Angeles, California. (Photo by Bob Riha, Jr./Getty Images)

Valenzuela a lansa durante 17 temporada den Grandes Ligas, a wordo convoca seis biaha pa e All Star Games y tin e mayor cantidad di victoria (173) y ponchenan (2,074) di cualkier lansado naci na Mexico. El a pasa e ultimo 22 aña como locutor na Spaño di Dodgers, kende a retira su number 34 na 2023. E tabatin 63 aña”.

Fernando Valenzuela.

E morto di Valenzuela tin un nificacion casi legendario, pasobra diabierna Serie Mundial ta cuminsa den e Dodger Stadium, ora cu e ekipo cu a haci di dje un leyenda lo ricibi New York Yankees, e ekipo cu ‘Toro’ a vence den e di tres wega di e ‘Fall Classic’ di 1981. Esey kiermen cu e dos ekiponan aki lo enfrenta otro pa un record di diesdos biaha den un serie pa e titulo maximo di MLB, e caranan di e tempo ey no a wak nan mas. Awo Fernando Valenzuela lo mira e wega di desempate for di shelo.

.tdi_10.td-a-rec{text-align:center}.tdi_10.td-a-rec:not(.td-a-rec-no-translate){transform:translateZ(0)}.tdi_10 .td-element-style{z-index:-1}.tdi_10.td-a-rec-img{text-align:left}.tdi_10.td-a-rec-img
img{margin:0
auto 0 0}@media (max-width:767px){.tdi_10.td-a-rec-img{text-align:center}}

Comment

Your email address will not be published. Required fields are marked *