Ley di salario minimo pa director no ta conta pa eenmanszaak

Esey ta loke director di Departamento di Impuesto (DIMP), mr. Luenne Gomez-Pietersz a duna di conoce diahuebs mainta den conferencia di prensa. El a admiti cu e departamento ta ricibiendo hopi pregunta rond di e ley nobo aki cu ta forma parti di Plan Fiscal 2023 y ta drenta na vigor dia 1 di januari, esta diadomingo awo.

Pa tal motibo, a duna un splicacion amplio pa satisface e dudanan mas comun cu tin riba e tema. Den su mayoria ta relata riba ken e ta aplicabel y con ta calcula loke e director di un compania mester paga su mes y consecuentemente loke e mester paga na impuesto di su salario.

Mr. Gomez-Pietersz a duna di conoce cu e regulacion di salario minimo no ta algo unico pa Aruba, pero ta forma parti di e deber fiscal na hopi otro pais. Bou di esaki ta considera cu un director ta ricibi un salario bruto cu ta usual pa e nivel y duracion di su empleo den su compania.

Pago di loonbelasting ta obligatorio pa director di un empresa huridico, manera un N.V. (Naamloze Vennotschap) of un V.B.A. (Limited Liability Company). Bou director ta compronde cu ta e accionista mayoritario di un compania. Esey ta ora un persona tin 25% of mas di e accionnan na su nomber.

E prome excepcion di e ley aki ta bin pa esunnan cu tin un compania tipo N.V. of V.B.A. cu ta dormant of no tin actividad economico. Tampoco ta conta pa director di un empresa propio (eenmanszaak). Un otro ta compania cu no ta participa den mercado economico di Aruba, ni dirigente comisario di compania estableci na Aruba, pero cu e ta residencia den exterior, pasobra ta paga impuesto aya.

Tambe DIMP a tene cuenta cu Startups (compania cuminsando) ya cu ta stipula e salario di e director of Groot Aandeelhouder (DGA) na e salario minimo segun ley ta determina. E consideracion aki ta valido pa e aña cu ta establece e compania y pa e siguiente tres aña, pa un total di cuater aña. E ta un incentivo solamente pa startups y nan actividad. E director di DIMP a ofrece e siguiente ehempel: Basa riba e suma di salario minimo prome cu e aumento reciente, e director lo mester gana 1815.35 florin pa luna.

Pa mas informacion Lesa mas den TREMPAN.