Diaranson mainta e adicto “Koki” un biaha mas tabata den accion, caminda el a drenta un pacus den Havenstraat, cerca di Royal Plaza. E tabatin un tas grandi cu ne cu el a hinca varios articulo den dje, cla pa sali bay cu nan sin paga. Asina cu el a caba cu su racha di hortamento, el a sali na careda for di e pacus. E trahadonan di e pacus no a ria y a bay su tras.
Pa casualidad den cercania tabatin un polis riba patruya y mesora a bay su tras. A start un persecucion su tras, a start den Havenstraat y den Ranchostraat a logra par’e y deten’e mesora. Den un transporte policial a hiba e ladron direccion pa warda di polis caminda lo present’e dilanti un subfiscal.
Koki no ta un figura desconoci pa husticia, e ta conoci pa varios aña ta horta den cas di hende. Fiscal a hasta dun’e un chens pa bay drecha su bida pero na mei 2022 el a regresa Aruba. El a participa n’un centro di rehabilitacion na Colombia, pero e tabata rebeldia, pa cual e no por a sigui participa n’e programa mas.
Comment