KOMUNIKADO DI PRENSA 481 /2022
19 òktober 2022
Kontrol di tráfiko ku detenshon
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djamars 18 di òktober 2022, alrededor di 17.00’or pa 18.30’or personal di Warda di Polis
Barber a tene un kontrol di tráfiko.
E kontrol general aki a tuma lugá riba Weg naar Westpunt na altura di Daniel.
Un total di 27 prosès verbal a keda repartí pa infrakshonnan den tráfiko.
Durante e kontrol aki polis a para un vehíkulo i a nota ku shofùr di e vehíkulo a aktua
sospechoso i a pone un saku di plèstik konteniendo mariwana patras den outo.
A baha e shofùr i okupantenan di e outo i a kontrolá den e vehíkulo i haña un arma di
kandela bou di stul. Polis a konfiská droga, arma di kandela i e vehíkulo pa mas
investigashon.
Na e sitio a detené e shofùr e hòmber sospechoso A.J.E. nasé na Kòrsou di 35 aña di edat
pa violashon di lei di opio i arma di kandela.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.
