Na: Presidente di Parlamento di Kòrsou
Sra. Charetti America-Francisca
Wilhelminaplein 4
Presente
Willemstad, 22 novèmber 2022
Tópiko: Kontinuashon di reunion tokante rapòrt Nulmeting den enseñansa.
Honorabel Sra. Presidente,
Pa medio di e karta aki frakshon di PAR ta aserka Sra. Presidente ku e pregunta riba kua fecha lo reanudá e reunion enkuanto e rapòrt “Beleidsreactie nulmeting van het Curaçaose onderwijsbestel”.
Dia 16 di sèptèmber último, na final di e promé tanda, Minister van Heydoorn a pidi un siman pa prepará kontesta pa Parlamento. Sinembargo mientrastantu mas ku dos luna a pasa sin ku Parlamento a risibí kontesta riba su preguntanan, te pa e di dos tanda di e reunion importante aki a kontinuá.
Teniendo kuenta ku e seriedat di e rapòrt aki pa ku nos enseñansa i e diferente preguntanan importante ku Parlamento a hasi, frakshon di PAR ta supliká Sra. Presidente pa reanudá e reunion aki mas pronto posibel.
Mirando ku Minister van Heydoorn a indiká vários bia den pasado ku e lo basa su maneho di enseñansa riba e resultado di e nulmeting, frakshon di PAR ta haña krusial pa e reunion aki kontinuá ku e urgensia nesesario. Asina por inkluí e posishon di Parlamento tambe den e maneho di minister.
Danki di antemano i mi ta keda pendiente pa e kontesta di Sra. Presidente.
Steven Croes
Frakshon di PAR
C.c. Minister van Onderwijs, Wetenschap, Cultuur en Sport
