Willemstad – Ministerio di Salubridat, Medio Ambiente i Naturalesa (GMN) a tuma nota di e informashon ku a keda presentá pa un organisashon tokante e porsentahe di personanan (hóben i adulto) ku posiblemente tin un òf mas malesanan transmití seksualmente (MTS) na Kòrsou.
Resientemente, Ministerio di GMN a hiba un kombersashon ameno ku e organisashon korespondiente. A base di e kombersashon aki, Ministerio di GMN ta informá ku e porsentahe ku a keda duná, no ta basá riba datos ku ta konserní komunidat di Kòrsou en general.
Ministerio di GMN tin debido atenshon i ta trahando (huntu ku diferente NGO’s) riba e área di malesanan infeksioso, inkluso MTS, pa asina informá, konsientisá i prevení MTS na Kòrsou.
Pa mas informashon tokante malesnan infeksioso por tuma kontakto ku hefe di departamentu di Kombatimentu di Malesanan Infeksioso (IZB), di “Uitvoeringsorganisatie Geneeskunde & Gezondheidszaken” (UO G&Gz ántes GGD), epidemiólogo sra. Irálice Jansen na +5999 523-1530.
