KOMUNIKADO DI PRENSA 508 /2022
30 òktober 2022

Kaso di tiroteo ku un herido .

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 30 di òktober 2022 alrededor di 00.24’or, Sentral di Polis a risibí informashon
ku na un kas na Kaya Maria F. Pietersz-Lacle lo tin un diskushon familiar fuerte tumando
lugá. Un ratu despues Sentral di Polis ta risibí un otro informashon ku lo a tende
zonido(nan) di bala prosedente di arma di kandela na sitio.
Relashoná ku e kaso aki, Sentral di Polis a dirigí un unidat polisial na e adrès ariba
menshoná.
Na yegada di e patruya a bin topa marka nan di sanger den kurá di e kas.
Na momento ku polis tabata hasiendo investigashon na e sitio a drenta otro informashon
ku un hòmber a mèldu na sala di emergensia di CMC ku herida(nan) di bala.
E vehíkulo den kual e víktima a yega CMC a wòrdu konfiská pa mas investigashon.